Мақпал Жүнісова Майра Ілиясованы туған күнімен ерекше құттықтап, шотына қомақты қаражат аударды, деп хабарлайды Qazaq Today сайтына сілтемемен.
Өнер иесі Майра Ілиясова 70 жасқа толып, шығармашылық кешін өткізді.
– Шақырған қонақтарыңыздың бәрі келді. Ең бастысы – көрерменнің ықыласы. Шапан сыйлайын деп едім, бірақ ондайыңыз көп екен. Сол себепті өзіңізге ұнайтын дүниені аларсыз деген ниетпен шотыңызға 1 миллион теңге аудардым, – деді Мақпал Жүнісова.
Кеш барысында қос өнерпаздың әзіл-қалжыңы да көрерменді күлкіге қарық қылды.
– 70 жасты жасырып қайтесіз?! Бетіңізге бәрі жазылып тұр. Алдыңыздан қараса – пионер, артыңыздан қараса – пенсионер! – деп әзілдеді халық әртісі.
⠀
Осы сәтте Майра Ілиясова да: «Шынымен, жас көрінеді екенбіз», – деп қолдады.
