Фото: Pixabay
«СК-Фармация»бюджет қаржысын жымқыру фактісі бойынша қылмыстық іс қозғалды, деп жазады Qazaq Today ақпарат порталы.
Бұл туралы Қаржы мониторингі агенттігі төрағасының орынбасары Жеңіс Елемесов Сенаттағы брифингте айтты.
«Бюджет қаражатын жымқыру дерегі бойынша қылмыстық іс тіркелді. Қазіргі уақытта тергеу жүргізілуде. Қылмыстық-процестік кодекстің 201-бабына сәйкес, басқа мәліметтерді жариялай алмаймын», – деп мәлімдеді Жеңіс Елемесов.
Осыған дейін Мәжіліс депутаты Бақтыжан Базарбек «СК-Фармация» мемлекетке 35,8 млрд теңгеге жуық шығын келтіргенін айтып, бас прокуратураға шағым қалдырды. Оның айтуынша, компания дәрі-дәрмектерді нарықтағы бағадан 365%-ға дейін қымбатқа сатып алған.
