Фото: Pixabay
Прокурорлар 2 жыл ішінде жиырмадан астам мұғалімнің жалақысына тиісті үстемеақы төленбегенін анықтады, деп хабарлайды Qazaq Today ақпарат агенттігі.
Мәселен, Ақсу ауданындағы өнер мектебінің музыка пәнінің мұғалімі 2021 жылы аттестациядан өткеннен кейін оқытушы-зерттеуші біліктілік санатын алған.
Алайда, оған осы біліктілік санаты үшін негізгі жалақыға (68 мың теңге) ай сайынғы қосымша төлем берілмеген.
Тағы 23 мұғалімге мұндай жәрдемақы берілмеген, ал төленбеген қаражаттың жалпы сомасы 11 миллион теңгеден асқан.
Қадағалау актісі бойынша мұғалімдерге тиісті қаражат төленді. Мектеп басшылығы тәртіптік жауапкершілікке тартылды.
