Фото: видеодан кадр
Қарағандыда соққыға жығылған жедел жәрдем жүргізушісі Төреғали Берікқалиұлы болған жағдайдан соң айыпталған Нұрболат Дәкебаевты кешіруге дайын екенін жеткізіп, TikTok парақшасында видео жариялады, деп хабарлайды Qazaq Today ақпарат агенттігі.
Белгілі болғандай, ол әлеуметтік желілердегі парақшаларын белсенді жүргізеді.
«Алла барлығын кешіреді. Алланың қасында мен жай ғана құлмын. Сол себепті біз де кешіреміз. Мен оны кешірмеймін, мен оны соттатамын, мен оны отырғызамын деп айтқан жоқпын. Бәріміз де пендеміз, бәріміз қателесеміз», — дейді жәбірленуші.
Сонымен қатар, жедел жәрдем жүргізуші қазір өзін жақсы сезінетінін және жақында мұрнына екінші ота жасататынын айтты.
