100-ден астам полиция қызметкері қар құрсауында қалған жолаушыларға көмек көрсетуде, деп хабарлайды Qazaq Today ақпарат порталы.
Жамбыл облысында ауа райының қолайсыздығы орын алып, боранды жел, көктайғақ және көрінудің шектелуіне байланысты Тараз қаласынан Түркістан облысына (Жуалы ауданы) және Алматы облысына (Қордай ауданы) көлік құралдарының барлық түрлері үшін азаматтардың қауіпсіздігі үшін жол жабылды. Қозғалыс ескі Қордай асуы арқылы жүзеге асырылады.
«Қазіргі уақытта қозғалыс шектелген жолдардың бойында 1050-ге жуық көлік тоқтап тұр. Оның 580-і жүк көлігі және 465 жеңіл автокөлік.
Жолаушылардың қауіпсіздігі үшін, төтенше жағдайлардың болуының алдын алу мақсатында аталған тас жолдарда полиция қызметкерлері жұмыс жасауда. Олар жүргізушілер мен басқа да азаматтарға жан-жақты көмек көрсетуде. Барлығы 100-ден астам полиция қызметкері, 45 автоэкипаж жұмылдырылды», – делінген Жамбыл облыстық Полиция департаментінің хабарламасында.
Жуалы ауданының Шахан асуында қалып кеткен 14 тұрғын учаскелік инспекторлармен Көлтоған ауылына жеткізіліп, туыстарының үйлеріне орналастырылды. Одан бөлек қар құрсауында қалып кеткен 10-нан аса көлік патрульдік полицейлермен құтқарылды.
Патрульдік экипаждар көлік колонналарын ілестіріп сүйемелдеп алып жүруін ұйымдастыруда.
Республикалық маңызы бар автожолдарды тазартып, жолдарды ашуға арнайы техникалар жұмыс жасауда.
Посмотреть эту публикацию в Instagram
