Фото: Виктор Федюнин/ Kazinform
5 сәуір күні Жәнібек Әлімханұлы мен Анауэль Нгамиссенге арасындағы жекпе-жек 5 сәуір күні Астанада «Барыс Аренада» спорт кешенінде өтеді, деп хабарлайды Qazaq Today ақпарат порталы BAQ.KZ-ке сілтеме жасап.
Бұл жекпе-жекте WBO және IBF нұсқалары бойынша орта салмақтағы белбеулер сарапқа салынады. Бүгін боксшылар “Хан шатыр” ОСО ашық жаттығу жиынын өткізді.
Олардың арасында ағайынды Махмұд және Төрехан Сабырхан, Батыр Жүкембаев, Баходир Жалолов (Өзбекстан), Азинга Фузиле (ОАР) және Сұлтан Заурбек бар.
Махмұд Сабырхан колумбиялық Николас Тордесильямен жұдырықтасады. Ол да – кәсіпқой боксты жаңа бастаған спортшы. Әзірге екі жекпе-жек өткізген, 100 пайыздық жеңіске ие.
Ал Төрехан Сабырхан 29 жастағы Джири Хаукемен шаршы алаңға шығады. Қарсыласы бұған дейін 10 кездесу өткізіп, 4-еуінде ғана жеңіске жеткен.
Бокс кешінің негізі Жәнібек пен Нгамиссен арасындағы кездесу болмақ.
Жәнібек Әлімханұлы кәсіпқой рингте 16 кездесу өткізіп, бәрінде жеңіске жетті. Оның 11-ін уақытынан бұрын аяқтаған.
Ал француздық боксшы Анауэль Нгамиссенге (14-0, 9 KO) кәсіби мансабында әлі жеңілмеген.
