Үш күн бойы тұтқында болған тараздық кәсіпкердің қызы сұқбат берді

Қылмыстық топ мүшелері әйелді босату үшін 100 миллион теңге сұраған

Таразда ұйымдасқан қылмыстық топ белгілі кәсіпкердің қызын ұрлап, оны босату үшін 100 миллион теңге сұраған. Оқиға бір жыл бұрын болған. Алты адамнан тұратын қылмыстың топтың бір мүшесі жәбірленушінің көршісі болып шықты. Қылмысты жасағандар сотталған, алайда сот үкіміне келіспей, аппеляциялық арыз жазған. Енді тараздық Светлана Мосунова кінәлілер бостандыққа шығады деп қорқып отыр.

– Светлана, оқиға қалай болды?

– Бұл қорқынышты оқиға осыдан бір жыл бұрын, 2021 жылдың 15 сәуірінде болды. Бәрі таңғы сағат 8 шамасында ұлымды мектепке апарып, үйге келе жатқанда басталды. Үйге жетіп қалған едім, бетін тұмшалап алған екі ер адам көліктен түсті де, күш көрсете бастады. Алдымен бетімнен ұрып, желкелеп, көлікке «мал» салғандай лақтыра бастады. Зәре-құтым қашып, айқайға бастым. Қарсылық көрсетіп жатқанымда біреуі қолымды сындырып жіберді. Сөйтіп қинап көлікке отырғызды. Көлік ішінде бетімнен ұрып, ұялы телефонымды сұрады. Телефоным үйде қалған еді. Өтірік айтып отыр деп, қайта соққыға жықты. Әлсіреп, талып қалғанымда ғана ұруын тоқтатты…

– Олар ұялы телефоныңызды қандай мақсатта пайдаланғысы келді?

– Білмеймін. Көзімді ашсам, бейтаныс пәтерде жатырмын. Қолыма кісен салынған, аяғымды скотчпен байлап тастаған. Бірінші күні нәр татпадым. Бір күн өткен соң нан мен су берді. Осылайша үш күн бойы солардың қолында болдым.

– Бұған не себеп болды?

– Мені ұрлағандар әкемнің жолаушылар тасымалымен айналысатын ірі компанияның басшысы екенін білген. Менің қайда барып, қашан келетінімді бақылап, бірнеше күн аңдыған. Мені ұрлап кеткен соң әкеме хабарласып, 100 миллион теңге сұраған. Үш күн ішінде әртүрлі жерге апарды.

– Олардың қолынан қалай құтылып шықтыңыз?

– Әкем полициямен бірге көршілеріміздің бақылау камераларын қарап, жалған нөмірлі көлікті анықтапты. Іске қатысты бар екі адам осылай ұсталған. Сыбайластары қолға түскенін білген соң мені үш күннен кейін қала сыртына тастап кетті. Сол сәтте мені босатқанына бір сеніп, бір сенбей, дағдарып қалдым. Бірден жолдан өтіп бара көлікті тоқтатып, үйіме жеткізіп салуын өтіндім.

– Қылмысты жасаған адамдарды танисыз ба?

– Бұл «операцияны» ойластырған үйдің жанында тұратын көршіміз болып шықты. Ең сорақысы да – осы. Полиция бұл іске бір емес бірнеше адамның қатысы бар екенін анықтады.

– Оларға қандай үкім шықты?

– Сот үкімімен қылмыстық топтың мүшелері 5 жылдан 13 жылға дейін бас бостандығынан айырылды. Бірақ ол бұл үкіммен келіспей, апелляцияға беріп жатыр. Енді олар бостандыққа шығып кетпесе екен деймін. Өйткені мені ұрлап кеткен азамат бұған дейін де істі болған екен. Бұл жолы да жазадан құтылып кетсе, тағы да осындай жағдай қайталануы мүмкін.

Сол оқиғадан кейін қатты қорқып қалдым, әр қадамымды аңдап басамын. Психологиялық соққы алдым. Сол кезде қолымды сындырған еді, қанша емделсем де, әлі күнге дейін толық қалпына келмеді.

Соңғы

Смайылов тағы да Премьер-министр болып тағайындалды

ҚР Президенті Қасым-Жомарт Тоқаев Әлихан Смайыловты ҚР Премьер-министрі етіп...

Ақтөбеде өзен суы көтеріліп, адамдар эвакуацияланып жатыр

Ақтөбе қаласы Қарғалы өзенінде судың деңгейі көтеріліп, адамдар қауіпсіз...

Түркістанда жоғалып кеткен қыздың мәйіті табылды

Түркістан облысында бес күн бұрын жоғалып кеткен 11 жастағы...

Күдебаев сотқа мәжбүрлеп әкелінеді

Алматы облысы Полиция департаментінің экс-басшысы Серік Күдебаевқа қатысты қылмыстық...

Newsletter

spot_img
spot_imgspot_img

Смайылов тағы да Премьер-министр болып тағайындалды

ҚР Президенті Қасым-Жомарт Тоқаев Әлихан Смайыловты ҚР Премьер-министрі етіп тағайындау туралы Жарлыққа қол қойды. Бұл туралы Qazaq.today Azattyq Ruhy -на сілтеме жасап. «Әлихан Асханұлы Смайылов Қазақстан Республикасының...

Ақтөбеде өзен суы көтеріліп, адамдар эвакуацияланып жатыр

Ақтөбе қаласы Қарғалы өзенінде судың деңгейі көтеріліп, адамдар қауіпсіз жерге көшіріліп жатыр, деп хабарлайды Qazaq.today Halyq.uni-не сілтеме жасап. Ақтөбе аумағында орналасқан Қарғалы, Күншуақ, Мұнайшы бау-бақша...

Түркістанда жоғалып кеткен қыздың мәйіті табылды

Түркістан облысында бес күн бұрын жоғалып кеткен 11 жастағы қыз өлі табылды, - деп хабарлайды Qazaq.today Tengrinews.kz-ке сілтема жасап. Түркістан облысы ТЖД баспасөз қызметіне...

LEAVE A REPLY

Please enter your comment!
Please enter your name here