Түркістан облысында төрт баланың анасы камераға түсіріп өзін және балаларын өртеп жіберемін деп қорқытты. Оның бұл әрекетке баруына отбасының кедей өмір сүруі себеп болған, деп хабарлайды qazaq.today ақпараттық агенттігі.
Әйелдің үндеуін белгілі журналист Гүлмира Әбіқай Facebook парақшасында жариялаған. Көпбалалы ана үйде тұтанған отты көрсетіп, жан түршігерлік әрекетке ақшаның жоқтығы себеп болғанын айтады. Сонымен қатар, көпбалалы ана Жетісайдың уәкілетті органдарының әрекетіне шағымданды.
Полиция департаменті бұл фактіге қатысты түсініктеме берді.
«Тексеру бұл оқиғаның 28 наурызда болғанын көрсетті. Өрт қойылған заттар бірден сөндірілді, балаларға қауіп төніп тұрған жоқ. Полицейлер әйелмен түсіндірме жұмыстарын жүргізді. Бұл отбасы құзырлы органдардың бақылауына алынды»,- дейді Түркістан облысы әкімдігінің баспасөз қызметі.
