Бұрса қаласында Түріксой ұйымының 39 кезекті отырысы өтті
5 қараша күні Бұрса қаласында Түркі халықтарының өнері мен мәдениетін дамытуға ықпал жасайтын Түріксой ұйымының кезекті отырысы өтті. Бұл туралы Qazaq.Today тілшісі жазды.
Шараға министрлер, Бұрса қаласының әкімі, өзге де тұлғалар қатысты.
Алдағы уақытта түркі халықтарының бірлігі күні атты ресми мереке пайда болуы мүмкін. Бұл туралы Түріксой ұйымының 39 отырысында Түркия мәдениет министрі айтты. Ал, келесі жылы түркі әлемінің мәдени астанасы және Түріксойдың шаралары Әзербайжан республикасының Шуша қаласында өтеді.
Естеріңізге сала кетейік, Түріксой — түркі халықтарының өнері мен мәдениетін дамытуға ықпал жасайтын халықаралық ұйым. 1993 ж. 12 шілдеде Алматыда Әзірбайжан, Қазақстан, Қырғызстан, Өзбекстан, Түркия, Түрікменстан мемлекеттерінің Мәдениет министрлерінің кездесуіндегі өзара келісімшарт негізінде құрылды. Кейіннен бұл келісімшартқа Татарстан, Башқортостан және Солт. Кипр Түрік мемлекеттері қосылды. Түркі тектес халықтардың жеті мемлекеті мүше болған халықар. Туріксой ұйымының орт. – Түркия Республикасының астанасы Анкара қаласында орналасқан. Түркі халықтары өнері мен мәдениетін дамытуға ықпал жасайтын ынтымақтастықтың ресми тілі – түркі тілі. Түріксой саясаттан тыс халықар. ұйым ретінде ынтымақтастықтың барлық мүшелеріне мемлекеттерінің саяси бағдар өзгешелігіне қарамастан мәдени байланыс саласында тең құқықты қамтамасыз етеді.
