«Қазавтожол» ҰК» АҚ еліміздің автожолдарындағы ауа райының нашарлауына байланысты жүргізушілерге ескерту жасады, деп хабарлады Qazaq.today тілшісі.
Батыс Қазақстан, Павлодар, Солтүстік Қазақстан, Қостанай, Ақмола, Ақтөбе, Атырау облыстарына қалың тұман түседі. Жауын-шашын жауып, көк тайғақтың пайда болу қаупі бар.
Қарағанды облысы мен Астана қаласында екпіні секундына 15-20 метрге жететін жел соғады деп болжанған.
«Құрметті республикалық маңызы бар автожолдарды пайдаланушылар! Қауіпсіздік мақсатында жол жүру ережесін қатаң сақтап, ұзақ жолға шығар алдында ауа райының қолайсыздығын ескерулеріңізді сұраймыз», – делінген компания хабарламасында.
15
