Түркістан облысындағы білім мекемесінде 2,8 млрд теңге бюджет қаражаты ұрланған, деп хабарлайды Qazaq Today ақпарат агенттігі.
Атап айтқанда, Жетісай ауданының прокурорлары аудандық білім бөлімінің бухгалтерлерімен 2,8 млрд теңге бюджет қаражатын жымқыру фактісін анықтады.
“Осы факті бойынша құжаттар cотқа дейінгі тергеп-тексерудің бірыңғай тізілімі ҚР Қылмыстық кодекстің 189-бабымен тіркеліп, (сеніп тапсырылған бөтен мүлікті иемдену немесе ысырап ету) тергеу Түркістан облысы прокуратурасының арнайы прокурорларымен жүргізілуде”, делінген хабарламада.
Нәтижесінде мемлекет бюджетіне 309 млн теңге қайтарылған.
