Суданда 16 мың қой тиеген кеме Қызыл теңізге батып кетті
Суданнан Сауд Арабиясына бағыт алған кеме Қызыл теңіз маңындағы айлақта 15 мыңнан астам қоймен бірге суға батып кетті, деп хабарлайды Azattyq Rýhy.
The Guardian басылымының жазуынша, Суданның Қызыл теңіздегі Суакин портында 12 маусымда 15 800 қой тиеген кеме шамадан тыс жүк салдарынан суға батып кеткен. Дегенмен, экипаж мүшелері аман қалды.
Кеме малды Суданнан Сауд Арабиясына экспорттаған. Кеме борты небәрі тоғыз мың мал тиелуі тиіс болған. Шенеуніктер осыншама малдың суға батып кетуі қоршаған ортаға кері әсерін тигізеді деп қауіптенеді.
Судан ұлттық экспорттаушылар қауымдастығы жоғалған малдың жалпы құны «шамамен 14 миллион сауд риалын құрайды, бұл 4 миллион долларға тең» деді. Бірлестіктің мал шаруашылығы бөлімінің басшысы Салех Селим билік өкілдерін оқиғаның мән-жайын анықтауға шақырды
