Су тасқыны: Батыс Қазақстан және Ақтөбеде 240 адам эвакуацияланды

ҚР Төтенше жағдайлар министрі Юрий Ильин Батыс Қазақстан облысындағы жағдайды баяндады, деп хабарлайды Qazaq.today ҚазАқпаратқа сілтеме жасап. 

«Қазіргі уақытта Батыс Қазақстан және Ақтөбе облыстарында күрделі жағдай қалыптасып отыр. Жалпы 51 үйді су басты. Оның 45-і – Батыс Қазақстан облысында болса, 6 – Ақтөбе облысы аумағында. 240 адамның 20-дан астамы уақытша эвакуация пунктіне орналасты, қалғандары туыстарының үйіне кетті», – деді Ю. Ильин Үкімет отырысынан кейін тілшілерге берген сұхбатында.

Министрдің айтуынша, мониторинг жұмыстары жалғасуда, жол жабынында 26 су тасқыны байқалған еді, оның 13-і тоқтатылды.

Айта кетейік, Батыс Қазақстан облысында су тасқыны жағдайына аэровизуалды барлау жүргізілді және бірнеше ауданда төтенше жағдай жарияланды.

 

Qazaq.today