Билік жылыту маусымына дайындыққа салғырт қараған Саран қаласының әкімі Еркін Бақлықовтың отставкасын қарастыруда. Премьер-Министр Олжас Бектеновтың қазан айының басында халықты уақытылы жылумен қамтамасыз ету туралы тапсырмасына қарамастан, қала тұрғындары жылусыз қалды. Баулықов пен энергетика және ТКШ басқармасының басшысы қыс мезгіліне дайындықты жеткіліксіз бақылағаны үшін қатаң сөгіс алды, деп хабарлайды Qazaq Today ақпарат агенттінігі.
Саран қаласының әкімі Еркін Баулықов пен Қарағанды облысының энергетика және ТКШ басқармасының басшысы Тілектес Досаев қатаң сөгіс алды. Облыс әкімінің бірінші орынбасары Азамат Тайжановқа ескерту түрінде тәртіптік жаза жарияланды.
«Өзінің қызметтік міндеттерін тиісінше орындамағаны үшін, атап айтқанда, жылыту маусымына дайындықты жеткіліксіз түрде бақылағаны үшін менің бірінші орынбасарыма ескерту түрінде тәртіптік жаза қолданылсын. Саран қаласының әкімі мен энергетика және ТКШ басқармасының басшысына қатаң сөгіс жариялансын. Қыс мезгілінде сапалы жылумен қамтамасыз ету міндеті біз үшін басым екенін тағы да еске салғым келеді. Жұмыс тұрақты түрде жүргізілуі керек! Әр жағдай бойынша қатаң баға беріліп, жауапкершілік дәрежесі анықталады», — деді облыс әкімі Ермағанбет Бөлекпаев аппараттық кеңесте.
Саран қаласының әкімі Еркін Баулықовтың айтуынша, қалада барлық жергілікті қазандық штаттық режимде жұмыс істеп тұр, отын қоры қамтамасыз етілген.
2023 жылдың қыркүйегінде Саран қаласының әкімі болып тағайындалған Еркін Баулықов қысқа мерзім ішінде қыс қарсаңында қаланы жылумен қамтамасыз ете алмайтындығын көрсетті. Бұрын Саран қаласында жылу көзі істен шыққан. 10 жылдан астам уақыт бойы салынған орталық жылу көзі жаздан бастап жаңа жүйенің параметрлерінен өтті. Дүйсенбі күні таңертең 85 үй жылытусыз қалғаны хабарланды.
14 қазанда Баулықов резервтік қазандықтарды қосу туралы мәлімдеді, бірақ оның сөздері тұрғындар тарапынан сынға ұшырады. 15 қазанда Үкімет отырысында Премьер—Министр Олжас Бектенов Саран қаласының қысқа дайындығы туралы өтірік айтқандарды жауапқа тартуға уәде берді. Сол күні қаланың жаңа қазандығында көптеген проблемалар анықталды және тұрғындар әлі де жылудың жоқтығына шағымданады.
17 қазанда Энергетика министрлігі Саран тұрғын үйлерінде жылумен жабдықтаудың толық қалпына келтірілгенін жариялады. Алайда, 21 қазанда қалада үйлерді резервтік жылыту жүйесіне қайта қосу аяқталғаны белгілі болды, бұл мәселенің уақытша шешілгенін көрсетеді.
