Бұл жолы хабарлама актер тележүргізуші Тәуекел Мүслімге келді. Ол желідегі парақшасында Алматы қаласы, Алмалы ауданы бойынша мемлекеттік кірістер комитетіне барғанын жариялады.
«Ассалаумағалейкум, не дейін? Жағдай былай, 2022-2023 жылға kaspi-дан 5000 теңгеден жоғары қандай ақша түсті, соның бәріне есеп бер деп жатыр. Кімнен түсті, не үшін түсті. Сөзім жоқ. Бұл тек 2022-2023, алды 2024-2025 тұр ғой. Не істейміз? Кетеміз-ау, Қазақстаннан», — дейді ол Instagram stories-те.
Еске сала кетейік, ақпан айында мемлекеттік кірістер комитеті 594 блогер мен инфлюенсерді кірістерін жасырды деп айыптаған еді. Комитет мәліметінше, олар 2022-2023 жылдар аралығындағы табыстарын дұрыс көрсетпеген.
