Фото: Жеке парақшадан алынды
Танымал әнші, актриса Меруерт Түсіпбаева IELTS-тан жоғары балл жинаған Мақпал Жүнісованың қызын мақтады, деп хабарлайды Qazaq Today ақпарат порталы.
Айта кетейік, Мерей Заманбекқызы ағылшын тілінен тест тапсырып, 8.5 балл жинаған еді.
«Баламды жалғыз өсірдім. Ұл баланы мүмкін қызды да әрдайым дұрыс жолға салып отыру керек. Тіпті кейде ұрсып, кейде алдап жетелеуге тура келеді. Қазіргі балаларда азғыру көп қой. Біздің бала күнімізде, ата-анамыздың бақытына орай, смартфондар мен гаджеттер болмады», – деп бастады әңгімесін әнші.
Өнер иесінің сөзінше, сахнада жүрген әйел адамдар бала тәрбиесіне дұрыс көңіл бөлмей қалатын көрінеді.
“Мен – өнер адамымын. Соған қарамастан балама «Саған сүйеу болар әкең жоқ, бірақ білімің болса, сен ең мықты адамсың. Сенің бойыңа сіңірген білімді ешкім тартып ала алмайды» деп айтып келемін. Бала тәрбиелеу оңай шаруа емес, ол үлкен жауапкершілікті талап етеді. Бір ғана балам болса да, оның саналы, сапалы, білімді болып өсуі үшін табандылық таныттым. Кеше Мерейдің жетістігі туралы естіп, қатты қуандым. Бұл Мерейдің ғана емес, ең алдымен оның анасы Мақпал Жүнісованың жеңісі! IELTS емтиханында кейбір университет оқытушылары 5 балл алып, мәз болып жатады. Ал ең жоғары көрсеткіш 9 балл екенін білесіздер», – деп жазды ҚР еңбек сіңірген қайраткері.
