Қостанайда күзетшілер 6 дана сарымсақ үшін жігіттің басын кесіп, денесін өртеп жіберген. Облыстық қылмыстық істер бойынша мамандандырылған ауданаралық сотында «Краснопартизанское» бағбандар қауымдастығы тұтынушылар кооперативінің күзетшілеріне қатысты іс қаралып жатыр. Олар сарымсақ ұрлауы мүмкін деп күдіктенген адамның басын кесіп, денесін өртеп жіберген, деп хабарлайды Tobolinfo.kz сайтына сілтеме жасаған qazaq.today ақпараттық агенттігі.
«Краснопартизанское» бағбандар қауымдастығы тұтынушылар кооперативінің күзетшілері 35 жастағы Виктор Дьяченко мен 36 жастағы Андрей Мартыненко «адам өлтірді» деп айыпталған.
Аяусыздықпен аам өлтіру өткен жылдың 5- қыркүйегінде орын алған. Тұрғындардың бірі алты дана сарымсақ ұрланғанын хабарлаған. Ішімдік ішкен күзетшілер мұны «Краснопартизанскийдегі» жер телімінің иесі Кузов жасауы мүмкін күдіктенген. Ақырында олардың арасында жанжал болып, соңы кісі өлімімен аяқталған.
Қылмысын жасыру үшін олар Кузовтың денесін бөлшектеп тастаған. Басын арамен кесіп, өртеп, денесін үйдің ауласына көмген. Алайда екі күннен соң мәйітті қазып алып, Тобылға апарып, қамыстың арасына тастаған.
