Әлеуметтік желіде «Шымкентің бұрынғы соты әйелі екеуінің сүйегі жататын кесене тұрғызыпты» деген видео тарап кетті.
Аталмыш видеоға байланысты Түркістан облысы әкімдігінің баспасөз қызметі арнайы түсініктеме берді, деп хабарлайды Qazaq.Today ақпарат агенттігі.
«Өкінішке орай тексерместен сене салғыш ағайындар істің анық-қанығына нақтылы көз жеткізбестен, бұл жағдайға әр түрлі баға беріп қызу талқылауда.
Ал шындығында бұл Түркістан облысының киелі Қазығұрт аумағында қоғам қайраткері, заң ғылымдарының докторы, руханият жанашыры Бекет Тұрғараевтың бастамасымен бой көтерген “Бабалар рухына тағзым” деп аталатын кешен құрамындағы, Пір Бекет Мырзағұлұлының 270 жылдығына орай салынған “Бекет Ата киелілер кесенесі” — деп жауап берді әкімдіктің баспасөз қызметі.
Пір Бекет Мырзағұлұлының 270 жылдығына орай салынған кесене былтыр желтоқсан айында ашылған.
