Қазақстанның тағы бір әуе компаниясы Ресейге ұшуды доғарды

QAZAQ AIR компаниясы бүгін, 12 наурыз күні, көрші елдің Новосібір қаласына ұшатын рейсін тоқтатты.

Бұған себеп – шетелдік сақтандыру компаниясының Ресей әуе кеңістігіне қызмет көрсетуден бас тартуы. Соған байланысты әуе компаниясы Ресей аймағында ұша алмайды.

«Жолаушыларға алған билеттің құны толық қайтарылып беріледі. Егер билеттік авиакомпанияның өзінен алсаңыз, info@flyqazaq.com поштасына жүгініңіз», – делінген таратқан ақпаратта.

Айта кетейік, Air Astana әуекомпаниясы да Ресейге ұша алмайтынын айтып, кеше рейстерді тоқтатқан еді.