Қазақстанда электр энергиясы қымбаттайды – министр
Қазақстанда алдағы жарты жылда электр энергиясы қымбаттауы мүмкін. Бұл туралы Almaty.tv арнасына берген эксклюзивті сұхбатында Энергетика министрі Болат Ақшолақов ескертті.
Министрдің айтуынша, бұл бірінші кезекте көмір бағасының өсуіне, сәйкесінше логистикалық шығындардың өсуіне байланысты.
«Үшінші – энергия өндіруші ұйымдар қызметкерлерінің жалақысы. Станциялардың тұрақты жұмыс істеуін қамтамасыз ету үшін. Өкінішке орай, салада жалақының деңгейі айтарлықтай төмен. Сондықтан бұл қызметкерлердің тапшылығына әкелуі мүмкін. Біз қазірдің өзінде олардан айырылып жатырмыз, біз энергия өндіретін стансаның кірісін арттыру туралы айтып жатқан жоқпыз және қарастырып жатқан жоқпыз», – деді Ақшолақов.
Министр сондай-ақ билік АИ-92 және АИ-93 маркалы бензиннің бағасын Мемлекет басшысы қаңтарда жариялаған 180 күндік мораторий аяқталғаннан кейін де ұстап тұруды жоспарлап отырғанын айтты.
