Фото: Қарағанды облысы ПД баспасөз қызметі
3 мамыр күні Қарағанды-Балқаш тас жолында, Ақсу Аюлы кентіне жетпей «Рено» жүк көлігімен «Тойота» автокөлігінің қатысуымен жол-көлік оқиғасы болды, деп хабарлайды Qazaq Today ақпарат порталы.
«Жол-көлік оқиғасының салдарынан «Тойота» автокөлігінің жүргізушісі және оның 4 жолаушысы оқиға орнында қаза болды. Жүк көлігінің жүргізушісі ауруханаға жеткізілді», – делінген қалалық полиция департаментінің хабарламасында.
Аталған дерек бойынша қылмыстық іс қозғалды. Тергеу әрекеттері кезінде оқиғаның мән-жайы және жол-көлік оқиғасына кінәлі анықталатын болады.
Қарағанды облыстық полиция департаменті жүргізушілерден, жылдамдықты шектен тыс асырмауды және жол жүру ережесін қатаң сақтауды сұрайды.
