Бүгін түнде Польша жеріне Ресейдің зымыраны құлап, екі адам мерт болды.
Кеше Ресей Укриананың ифрақұрылымдарын зымыранмен атқылауды үдете түскен болатын. Сол кезде Ресейден атылған зымыранның бірі Польша жеріне құлауы мүмкін.
Польшаның Сыртқы істер министрлігі Украианамен шекаралас елдің аумағына Ресейде өндірілген зымыран құлағанын растады. Бірақ зымыранның кімдікі екенін ашып айтқан жоқ. Ал Ресей тарабы құлаған зымыран Украинанікі екенін айтып қалды.
– 16 қараша күні түнгі сағат 15:40-та Польшаның Грубешовск уезіне қарасты Пшеводув елдімекеніне зымыран құлап, нәтижесінде екі бейбіт тұрғын қаза тапты, – деп хабар таратты Польшаның Сыртқы ведмоствасы.Осы жағдайдан кейін Польшаның Сыртқы істер министрі Збигнев Рау Ресей елшісінен дәл осы жағдайға байланысты жедел түсініктеме беруін талап етті. Бүгінде ресми Варшава өз аумағына қай елдің зымыраны құлағанын анықтау үстінде. Оқыс оқиғадан кейін Польша билігі кейбір әскери бөлімдердің соғысқа әзірлігін күшейтті.
