Павлодар облысында 1,5 жастағы сәби тоғызыншы қабаттан құлап кетті. 18 метр биіктіктен құлған қыз бала дүкеннің үстіне түскен. Pavlodarnews.kz сайтының мәліметінше, қайғылы жағдай Толстой көшесі, 90 мекенжайындағы тұрғын үйде болды. Өңірлік денсаулық сақтау басқармасының мәліметінше, балаға ауыр бас сүйек-ми жарақаты, травматикалық шок диагнозы қойылған.
«Зардап шегушінің жағдайы өте ауыр, ол инотропты қолдау және өкпені жасанды желдету аппаратына қосылған», – деп хабарлады басқармада.
Бүлдіршін облыстық балалар ауруханасының жансақтау бөлімінде жатыр.
