Пара алған: Атырауда облыс әкімінің орынбасары 10 жылға сотталды

Атырауда Атырау облысы әкімінің бұрынғы бірінші орынбасары Нұрлан Таубаевқа қатысты сот үкімі шықты, — деп хабарлайды Qazaq.Today тілшісі. Атырау облысының қылмыстық істер жөніндегі мамандандырылған ауданаралық сотында Таубаев пен Атырау облысы құрылыс басқармасының басшысы Тимур Басаровтың қылмыстық ісі қаралды. Оларға пара алды деген айып тағылды.

Сот анықтағандай, аталған мән-жайлар мен сотталушылардың кінәсі сотталушы Б.-ның мойындауларымен, жәбірленушінің, куәлардың айғақтарымен, оқиға болған жерді қарау хаттамаларымен, жеке тінтумен, WhatsApp мессенджеріндегі хат алмасумен, бейнежазбамен расталады.