Фото: primeminister.kz
Премьер-министрдің орынбасары Қанат Бозымбаев су тасқынына қатысты тілшілердің сұрақтарына жауап берді, деп хабарлайды Qazaq.today агенттігі.
Ол отставкаға кетуге қорықпайтынын атап өтті.
«Менің тәжірибем бар. Сондықтан отставкаға кетуге дайынмын. (…) Қазір біз баспанасыз қалған адамдарды үймен қамтамасыз етуге бар күш-жігерімізді жұмсап жатырмыз. Апатты алдын ала болжайтын жүйені жасауға назар аударып жатырмыз. 2 мәселені биыл қолға алып, тиісті министрліктерді қамтамасыз етіп, бәрін жасасақ, су тасқыны болса да, келген шығын аздау болады», – деді Қанат Бозымбаев.
Бақ өкілдері вице-премьерден «Келесі жылы елімізде осындай алапат су тасқыны болмайды» деп уәде бере аласыз ба?» деп сұрады. Бозымбаев бұл сұрақтың жауабын құдайдан сұрау керектігін айтты.
«Оны кім айтады? Алладан сұраңыз… Су тасқыны бола ма, болмай ма? Оны Алладан сұраңыз», – деді премьер-министрдің орынбасары.
