Аустралияның ірі әуе компаниясы Qantas-қа тиесілі Boeing 737 ұшағы Сидней әуежайында ұшқыштардың кабинасының түтіндеуіне байланысты шұғыл қонды, деп хабарлайды Qazaq Today ақпарат порталы.
Qantas компаниясының өкілі ұшқыштар мұндай жағдайға жақсы дайындалғандықтан ұшақты сәтті қондырды деп отыр.
Түтін салонға өтіп үлгермеген. Командир бірден қонуға рұқсат сұраған. Жолаушылардың ешқайсысы зардап шекпегені айтылды. Олардың барлығы басқа рейске ауыстырылған.
Әуе компаниясы олардың техникалық қызметі тексеру жүргізіп, ұшқыштар кабинасында болған жайттың себебін анықтайтындарын алға тартты.
Айта кетейік, Qantas – әлемдегі ең қауіпсіз тасымалдаушылардың бірі саналады. Ұшақпен байланысты апатта адамдар қаза тапқан соңғы әуе апаты 1951 жылы болған.
