Жыл басынан бері Солтүстік Қазақстан облысында КСРО төлқұжатымен жүрген 7 қазақстандық жеке куәлік алды, деп хабарлады Polisia.kz.
1994 жылы елімізде адамның жеке басын куәландыратын құжаттар қолданысқа енгізілді. Алайда кейбір тұрғындарда КСРО төлқұжаты әлі бар.
СҚО ПД Көші-қон қызметінің қызметкерлері оларға жаңа құжат беру жұмысын жүргізіп жатыр.
«Петропавл қаласының 49 жастағы тұрғыны құжаттарды рәсімдеуге көмек сұрады. Көші-қон полицейлері азаматтығын анықтау рәсімін жүргізді. Тұрғынға жеке куәлік дайындалды. Енді ол Қазақстандағы барлық мемлекеттік қызметті пайдалана алады», – деді СҚО ПД Көші-қон қызметі басқармасының басшысы Талғат Әбілов.
Qazaq.today
