Танымал әнші Балжан Бидаш тұрмыста болған жылдарында қатты күйзеліске түскенін жасырмады. Бұл туралы Qazaq.today ақпарат агенттігі хабарлайды. Әнші әзілкеш Жахан Отарғалиевпен үйленіп, үш жылдан кейін ажырасқан.
Балжан Бидаш ажырасу кезеңіндегі қиындықтарын айтып, депрессияда болғанда көру қабілетінің нашарлағанын атап өтті. «Үй, дала қараңғы көрінеді. Маған да моральды тұрғыда оңай болған жоқ. Психологқа бармадым, бірақ депрессияда жүріп уақыт өткізбей, болашағыма жоспар құрдым. Жұмысымды қайта қолға алып, табыс табуға кірістім. Кәсіп жаттықтырушысының кеңестері мені алға жылжуға шабыттандырды. Осындай кезде жақындардың қолдауы маңызды,» – деді ол.
Эстрада жұлдызы қиын кезеңнен қалай шыққанын да бөлісті. «Ажырасқан соң өмір бітіп қалмайды. Спортпен айналысып, табысты адамдардың өмірін тыңдап, оқыдым. Осы шаралардан кейін жеңіл өтіп кетті,» – деді ол.
Еске сала кетейік, Балжан Бидаш «Жаханмен ажырасқалы 4-5 ән шығардың» деп желі қолданушылары оның су жаңа әндерін талқылаған еді.
