Танымал актер Аян Өтепбергеннің тұңғышы дүниеге келді. Сүйінші жаңалықты актердің өзі хабарлады, деп жазады Qazaq Today ақпарат порталы.
«Сүйінші! Жаратушының қалауымен кесте тігер арудың әкесі атандым», — деп жазды Аян Өтепберген Instagram парақшасындағы stories бөлімінде.
Айта кетейік, актер Аян Өтепберген 2023 жылы ақтөбелік арумен шаңырақ көтерген еді.
Актер халық арасында 2011 жылы шыққан «Жаужүрек мың бала» фильмі арқылы танымал. Кейін «Олимп шыңы», «Қазақ елі», «Ақжауын» сынды телехикаяларға, «Рэкетир 2» филіміне түсті.
2013 жылы «Жаужүрек мың бала фильміндегі» Таймас рөлі үшін Қазақстан Жастар Одағы «Серпер» сыйлығының лауреаты атанды.
