Канделакидің косметика саудасы Қазақстанда тоқтап қалды, деп хабарлайды Qazaq.today агенттігі Азатттыққа сілтеме жасап.
Косметика тауарларын сататын «Золотое яблоко» сауда желісінің дабл-диск қосымшасына жазылған сыни пікір күн сайын көбейген. Бірер күн бойы компания қазақстандықтардың наразылығына жауап бермеген. Қарсылық басқа әлеуметтік желілерде де жалғасып жатқан.
14 ақпанда Ansaligy брендімен шығатын өнімдері сатылымнан алынғаны белгісі болған. Косметикалар сайтта да, сауда сөресінде де жоқ. Астанадағы дүкен өкілі бұған желідегі наразылық әсер еткенін айтқан.
Ресейдегі белгілі тележурналист Тина Канделаки бұған дейін Қазақстан орыс тілін баяу болса да жою жұмыстарын жүргізіп жатқанын жазып, дабыл қаққан. Оның бұл жазбасына елдегі теміржол бекеттерінің атауының өзгеруі себеп болған.
Көлік министрлігі кейбір темір жол станцияларын (Нұр-Сұлтан-Астанаға, Нұр-Сұлтан — Нұрлы жолды – Нұрлы жол, Косшокуды – Қосшоқыға, Сай-Утесті – Сайөтеске;, Өзенді Жаңаөзенге, Оралды Оралға, Құмшағылды Құмшағалға) қайта атау туралы Үкімет қаулысының жобасын жариялаған.
Ресейлік тележүргізуші Тина Канделаки өзінің Telegram – каналында Қазақстан осылайша орыс тілін мемлекеттік деңгейде ығыстырып жатқанын көрсетіп, «тарихтағы өз орнын қолдау сылтауымен өте алысқа баруға болатыны түсінікті, әсіресе осындай күмәнді шешімдерді ілгерілету үшін тарихты жасыру ыңғайлы» деп жазған.
