Отандық киножұлдыз, актриса Жұлдыз Әбдікәрімова ортаншы ұлы Нарұлдың жетістігін айтты, деп хабалайды Qazaq Today ақпарат агенттігі.
Актрисаның айтуынша, ұлы ат спортына қатты қызығатын болған.
“Баласы бәйгеге шапса, анасы тақымын қысады” демей ме?! Шабандозыма сәттілік тілеймін! Жанкүйерлердің орындығында емес, ат үстінде отырғандай қобалжып отырмын. Қаны – қазақ. Иығы сынып, гипсте жүргенде де қайтпады. Атқа отырмаса да, атының астын тазалап, жем-суын беріп жүрді”, – деді актриса.
Көп ұзамай өнер иесі ұлының жеңіске жеткенін жазып, сүйінші сұрады.
“Құттықтауларға рақмет! Болашаққа деген көңілдеріңізден айналдым. “Жеңіске деген ұмтылысы үшін” деген мақтау қағазымен марапатталып, жеңіс тұғырынан көрінді”, – деп жазды киножұлдызы.
Фото: instagram.com/zhuldyzabdukarimovaofficial
