Қайрат Сатыбалдының бұрынғы әйелі Гүлмира Сатыбалдының не үшін ұсталғаны белгілі болды. Ол мемлекеттің 747 млн теңгесін жымқырды деген күдікке ілінген, деп хабарлайды Qazaq.Today ақпараттық агенттігі. Оған қатысты 2021 жылы нақты орындалмаған құрылыс-монтаждау жұмыстары үшін аса ірі мөлшерде (747 млн теңге) бюджет қаражатын жымқыру фактісі бойынша сотқа дейінгі тергеу жүргізуде.
Сыбайлас жемқорлыққа қарсы іс-қимыл агенттігінің хабарлауынша, Гүлмира Сатыбалдымен бірге Шымкент қаласы бойынша Сыбайлас жемқорлыққа қарсы қызметі «Шымкент қаласының жолаушылар көлігі және автомобиль жолдары басқармасы» ММ лауазымды тұлғалары мен «Ария-Жаңа Астана» ЖШС басшылығы аталған күдікке ілініп отыр.
Өзге ақпарат тергеу мүддесінде жария етуге жатпайды.
