Қоғам белсендісі Құрал Сейітхан танымал кісілер арасында талай өтірігімен танылған бір қыздың сұмдық тірліктері туралы жазба жариялады деп жазады Qazaq Today ақпарат порталы.
«Осындай да болады екен. Осыдан 4-жыл бұрын Гауһар Әлімбекованың 50-жасқа толған туған күнін бір ресторанда дүрілдетіп тойлатып жатырмыз. Біраз әншілер мен әртістер жиналып қалған. Мейрамбек Беспаев та сол жерде.
Сол кеште бір қыз әдемі көйлек киіп алып, ерекше болып көзге түсіп жүрді. Бір жайында отырмайды. Көйлегінің етегін қолымен түріп алып, ары-бері жүгіріп жүр.
Сырттай қарасаң бәрін сол қыз жүргізіп жатқандай. Адамдар ол қыз жайында: Ақтаудан арнайы келіпті, Қаз Мұнай Газда істейді екен, осы кештің басты демеушісі осы қыз екен деп күбірлесіп жатты. Ойпырмай-а деп қоямыз біз.
Бір кезде сол қызға тост кезегі келді ғой. Микрофонды алды да бүткіл елдің алдында: Гауһар Әлімбековаға бір коттедж деп, Гауһардың қолына үйдің кілтін ұстатты.
Бәріміз ду қол шапалақтап қуанып жатырмыз.
Қош! Қызықтың көкесі одан кейін басталды. Қыз: Коттедж әлі толық біткен жоқ, ертең бітеді, арғы күні бітеді деп, күнде ертең, ертең деп Гауһардың үйіне кіріп алды. Сол кеште бұл қыз Абзал Құспанмен де танысқан еді. Көп ұзамай Абзалға қоңырау шалып ақша сұрапты.
Жалпы Гауһардың бірнеше достарынан ақша сұрағаны белгілі болды. Соңында Гауһар Әлімбекова әзер құтылды бұдан. Коттедж де жоқ, тас та жоқ.
Бұл қыз одан кейін маған хабарласып: Гауһармен мені қайта табыстыр деп жабысты. Гауһар ол кезде бұның қырық өтірігінен әбден шаршап, бұдан жиіркеніп кеткен. Тіпті бұның атын естігісі келмейді. Қысқасы мен де бұны блоктап әзер құтылдым. Ақтау қаласында туып-өстім, есімім Диана деп таныстырған өзін. Онысы рас па, өтірік пе білмедік. Суреттегі сол қыз», — деп жазды қоғам белсендісі.
Продюсер Гүлзира Айдарбекова күйеуі Нұртас Айдарбековті туған күнімен ерекше құттықтады, деп хабарлайды Qazaq Today ақпарат порталы.
Бұл туралы ол желідегі парақшасында жазды.
“Сенен кейін қалдырмай, сенің алдыңда кетуімді Алла жазсын, саған үйленгеніме өкінген емеспін”, — деп ұзақ өмір сүруімді тілеп отыратын, балаларымның асқар тауы, менің арқа сүйер асыл жарым Нүрекеңнің бүгін туған күні. Алла ұзақ мәнді өмір берсін! Сіздерден де құттықтау күтеміз!», — деп жазды Гүлзира Айдарбекова.
Айта кетейік, жұлдызды отбасы Нұртас Айдарбековтің туған күнін дүркіретіп атап өтті. Дүбірлі тойда Жұлдыз Әбдікәрімва төбе көрсетпеді.
Продюсер Мөлдір Мұқан 12 жасар ұлының туған күніне “Қайрат — Реал Мадрид” ойынына vip билет сыйлады, деп хабарлайды Qazaq Today ақпарат порталы.
Әлеуметтік желіде жарияланған видеодан туған күн иесінің әлі ұйықтап жатқанын көруге болады. Мөлдір Мұқан қыздарымен бірге ұлын оятып, түрлі сыйлықтар берді. Бірақ оның ең бастысы «Қайрат» пен мадридтік «Реал» арасындағы тарихи матчқа VIP-билет болып шықты.
Нұриманның мұндайды күтпегені анық: жасөспірім сезімін тежей алмай, қуаныштан көзіне жас алды.
Еске салайық, «Қайрат» пен «Реалдың» Чемпиондар лигасы аясындағы тарихи кездесуі 30 қыркүйек күні Алматының Орталық стадионында өтеді.
Билет құны трибуналарға байланысты:
Солтүстік және оңтүстік трибуналар — 75 мың теңге
шығыс трибунасы — 150 мың теңге
Батыс трибуна — 250 мың теңге
батыс трибуна (1-9 секторлар, 1-2 қатарлар) — 300 мың теңге.
Қазақ эстардасының «Королі», танымал әнші Мейрамбек Беспаев былтыр дүние есігін ашқан кенже қызы Айзияның 1 жас туған күнін дүркіретіп өткізді, деп хабарлайды Qazaq Today ақпарат порталы.
Мерекеге өнер майталмандары келіп, сәбиге тілектерін айтып, өлең жолдарын арнады.
«Мәке-Мархабай, той-тойға ұласыын. Айзия балапанның 1 жасы құтты болсын», — деп жазды өнердегі достары Айман Нұразхан.
Ал бүлдіршіннің тұсауын Сәкен Майғазиевтің жары Динара Майғазиева кесті.
Көпшілік сәбиге тілектерін жаудырып, қадамын нық басып кетуін тілеуде.
Осыдан 153 жыл бұрын Алаш руханиятының темірқазығы Ахмет Байтұрсынұлы дүниеге келген, деп хабарлайды Qazaq Today ақпарат порталы.
ХІХ-ХХ ғасырда қазақ халқы үшін қандай ауыр болғанын түсіну үшін Байтұрсын әулетінің арғы-бергі тарихына көз салса жетіп жатыр.
Әкесі мен ағаларының нақақ қудалануы жүрегіне шоқ боп түскен алаш арысы 1937 жылы атылғанға дейін ұлт ұпайын түгендеп өтті.
Бұған оның бүгінге цензура мен плагиаттан әупіріммен аман жеткен ғылыми еңбектері мен әлі күнге дейін табылмай келе жатқан құнды дүниелерінің даңқ-дақпырты дәлел.
Ол қазақ публицистикасы мен ғылыми тілін жасанды, қасаң сипаттан арылтып, халық тіліне жақындату үшін төл терминологияның негізін қалады.
Ақын, лингвист, әдебиетші, түркітанушы, публицист, педагог, аудармашы, мемлекет қайраткері, қазақ тіл білімі мен әдебиеттану ғылымдарының негізін салушы, ұлттық жазудың реформаторы, араб графикасының негізінде қазақтың төл әліпбиін түзіп, төте жазудың көмегімен «Қазақ» газетін ұйымдастырды, ұлттық журналистиканы дамытты.
Алашорда үкіметінің белді мүшесі болған. 2017 жылы Үкімет қаулысымен Қазақстан халқы тілдерінің күні 22 қыркүйектен Ахмет Байтұрсынұлының туған күніне ауыстырылды.
Былтыр ғұламаның 150 жылдық мерейтойы ЮНЕСКО деңгейінде атап өтілді. Осыған орай, ҚазАқпарат арнайы жоба әзірлеген болатын.
Ғалымның ғылыми еңбектері мен шығармаларын қамитын академиялық басылымын баспаға әзірлеген топқа жетекшілік еткен ғалым Айгүл Ісмақованың пайымынша, қазақ тілінің латын әліпбиі Ахмет Байтұрсынұлының теориясы бойынша түзілуі керек.
Өмірбаяны
Ахмет Байтұрсынұлы 1872 жылдың 5 қыркүйегінде қазіргі Қостанай облысы, Жангелді ауданы Ақкөл ауылында дүниеге келген.
1937 жылдың 8 желтоқсанында Алматыда ату жазасына кесілді.
Оның 1929 жылдың 12 мамырына дейінгі өмірбаяны өз қолымен жазылып, тарихқа қатталған.
1882-84 жылдары кейде ел ішіндегі сауатты адамдардан, кейде жақын маңдағы ауыл мектептерінен білім алып, сауат ашады.
1886-1891 жылдары Торғайдағы екі сатылы (әр сыныбы 3 жылдан) орыс-қырғыз (қазақ) училищесінде оқыды.
1891-1895 жылдары Орынбор қазақ мұғалімдер мектебінде білімін тереңдетті. Бұл мектепті бітіргендер 6 жыл мұғалім болып жұмыс істеуге міндетті еді. Осылайша 1895-1891 жылдары әртүрлі ауыл мектептерінде, кейін облыстық мектепте, екі сыныптық (екі сатылы) оқу мекемелерінде жұмыс істеді.
1901-1909 жылдары өз бетімен білімін толықтырып, шығармашылықпен айналысады.
1909 жылы Қарқаралы қаласындағы екі сыныптық училищенің меңгерушісі болып жүргенде Семей губернаторы Тройницкидің өкімімен тұтқындалып, Семей түрмесіне жіберіледі.
1909 жылдың 1 шілдесінен 1910 жылдың 21 ақпанына дейін сол түрмеде отырады. Одан босағанымен Қазақстан аумағында тұруға тыйым салынады. Тек Ресей аумағындағы губернияда тұруға рұқсат етіледі.
«Менің таңдауым Қазақстанға жақын жатқан Орынбор қаласы болды, мұнда 1910 жылдың 10 наурызында келдім», — деп жазады өзі.
1910-1918 жылдары қазақ тілінің дыбыстық жүйесін, грамматикалық құрылымын, қазақ әліпбиі мен емлесін ғылыми дәйекпен ретке келтіріп, қазақ тілінің лексикалық қорымен синтаксистік құрылымын өзге тілдердің ықпалынан тазартуға күш салды. Сол мақсаттың жетегінде қазақ тіл білімі, әдебиеттану, түркология саласына негіз болған ғылыми еңбектерін құрастырып бастады. Қазақ публицистикасы мен ғылыми тілін жасанды, қасаң сипаттан арылтып, халық тіліне жақындату үшін төл терминологияның негізін қалады.
1918 жылдан 1919 жылдың басына дейін «Алаш-Орда» құрамында қызмет істейді.
1919 жылы наурызға дейін Алаш-Орда үкіметінің Торғай облысы бөлімінің мүшесі болды.
1919 жылы наурызда Алаш-Орда үкіметі атынан Мәскеуге Кеңес үкіметімен келіссөзге қатысты.
Оның табандылығының арқасында сәуірде Алаш-Орда басшылары мен мүшелеріне Кеңес үкіметінің кешірімі жарияланды.
1919 жылдың екінші жартысынан 1920 жылдың соңына дейін «Қазақ өлкесінің әскери-төңкерістік комитетінде» комитет мүшесі болып қызмет етеді.
1920 жылы сол кездегі бірінші басшы В.И. Ленинге Мәскеудің Қазақстанды басқару ісіндегі қателіктерін сынап, хат жолдады. Қазревком мүшесі ретінде Қазақстанның Ресеймен шекарасының қалыптасу ісіне атсалысты. 1919 жылдың 27 тамызында Бүкілресейлік орталық атқару комитетінің «Қостанай уезін Челябинск облысына қосу туралы» шешіміне қарсы жазған саяси наразылығы Қостанай өлкесін бөлшектенуден құтқарып қалды.
1921 жылдан бастап Қазақстандағы жауапты лауазымдарда қызмет атқарды. Атап айтсақ, Оқу-ағарту ісі жөніндегі бірінші халық комиссары, Халық ағарту комиссариаты жанынан құрылған Академиялық орталықтың төрағасы, Қазақ халық ағарту комиссариаты жанындағы Ғылыми-әдеби комиссияның төрағасы, алқа мүшесі сияқты лауазымдарда еңбек етті.
1921-1928 жылдары Халыққа білім беру институтында қазақ тілі мен әдебиеті, қазақ мәдениеті пәндерінен дәріс оқыған.
1926-1928 жылдары Ташкенттегі Қазақ педагогикалық институтының Қазақ тілі мен әдебиеті кафедрасының доценті болды.
1928 жылдың 1 қазанында Қазақ халық ағарту комиссариатының ұсынысымен Қазақ мемлекеттік университетінің Қазақ тілі кафедрасына профессор лазауызымына шақырылады.
1929 жылғы маусымның басында Алаш қозғалысы қайраткерлерімен бірге Алматыда тұтқынға алынып, Мәскеудегі Бутырка абақтысына тергеуге жөнелтіледі. Аты шулы «үштіктің» 1930 жылғы 4 сәуірдегі шешімі бойынша ату жазасына кесілген еді. Бірақ бұл шешім бірнеше рет өзгертіліп, 1931 жылы қаңтарда 10 жылға концлагерьге ауыстырылса, 1932 жылдың қарашасында 3 жылға Архангельскіге жер аударылады. Ал 1933 жылы мамырда денсаулығының нашарлауына байланысты қалған мерзімді Батыс Сібірде айдауда жүрген отбасымен бірге өткізуге рұқсат беріледі.
1934 жылы М.Горькийдің жұбайы Е.П. Пешкованың ара түсуімен отбасымен бірге мерзімінен бұрын босап, Алматыға оралады.
Сол кезден 1937 жылға дейін түрлі мекемелерде ауық-ауық жұмыс істейді. 1937 жылы 8 қазанда соңғы рет тұтқындалып, 8 желтоқсанда ату жазасына кесілді.
Ең алғаш жарық көрген әдеби жинағы – «Қырық мысал» (1909 ж.). Екінші кітабы – «Маса» (1911ж.).
Сондай-ақ, А.С. Пушкин, М.Ю. Лермонтов, Ф. Вольтер, С.Я. Надсон өлеңдерін аударды.
Ғылыми еңбектері: 1911-1912 жылдары төте жазу негізінде «Әліппе» түзіп, Уфа, Орынбор қалаларының баспаханаларынан басып шығарды. 1912-1925 жылдары «Оқу құралы» атты еңбегі 7 рет (кейінгі деректер бойынша 8 рет) жетілдіріліп басылды.
1926 жылы «Әліп-бидің» жаңа түрін жазды.
«Тіл – құрал» атты үш бөлімнен тұратын, үш шағын кітап болып жарияланған еңбегі және бар.
1913 жылы «Қазақ» газетінің үш санында «Қазақтың бас ақыны» деген көлемді мақаласы шықты. Бұл Абайға қазақ жазба әдебиетінің төрін ұсынған еңбек еді.
1923 жылы Мәскеуде жүріп «Ер Сайын» жырын алғысөз бен түсініктеме бере отырып шығарды.
1926 жылы «23 жоқтау» кітабы жарық көрді. Дәл сол жылы «Әдебиет танытқыш» та баспа бетін көрді.
Ахметтанушы Райхан Имаханбеттің дерегі бойынша, архив құжаттары Ахмет Байтұрсынұлының «Мәдениет тарихы», «Уголовный кодекс РСФСР» атты кітаптары болғанын айғақтайды. Аталған еңбектер әлі табылмай отыр. Ғалым өзі жазған өмірбаянында 14 кітабы басылғанын айтады. Қазіргі ахметтанушылардың пайымынша, 20 кітабы баспадан жарық көріп, 3 қолжазбасын баспаға ұсынғанымен шығаруға мүмкіндік болмаған.
