Tag Archives: Қостанай

Жаңалықтар

Қостанай: «Дала Қырандары» ЖҚБ ұйымдастырған дене даярлығы нормативтерін қабылдау өтті

Leave a comment

Фото: «Дала қырандары»

Қостанай. Облыс орталығында «Дала Қырандары» жастар қоғамдық бірлестігіне мүше болуға ниет білдірген азаматтарға арналған ашық дене даярлығы нормативтерін қабылдау өтті. Сынақтар «Тобыл» орталық стадионында өтті. Іс-шараға белсенді қырандар мен медицина қызметкерлері қатысты, деп хабарлайды Qazaq Today ақпарат порталы. 

Не тексерілді. Қатысушылар 3000 метрге жүгіру және Купер тесті бойынша күш пен төзімділігін сынады. Тест үш жаттығудан тұрды: секіру, қолды бүгіп-жазу және «кітапша» деп аталатын іш бұлшықеттеріне арналған жаттығу. Әр салмақ дәрежесіне жеке бағалау шкаласы қолданылды, бұл үміткерлердің физикалық дайындығын барынша әділ бағалауға мүмкіндік берді.

Қалай ұйымдастырылды. Тіркеу алдын ала Қостанай қаласындағы «Дала Қырандары» өңірлік өкілдігі арқылы жүргізілді. Басталар алдында қатысушыларға қауіпсіздік техникасы мен жаттығуларды дұрыс орындау тәртібі түсіндірілді. Нәтижелерді қырандардан құралған төрешілер тобы жеке хаттамаларға тіркеп, кейін жалпы ведомостьке енгізді.

Неліктен өткізіледі. Нормативтерді қабылдау — бұл тек дене дайындығын тексеру емес, сонымен қатар ұйымға қабылдау үдерісінің маңызды бөлігі. Сынақ болашақ қырандардың төзімділігі мен тәртібін бағалауға, сондай-ақ жастарды спортқа және салауатты өмір салтына ынталандыруға бағытталған. Нормативтерді сәтті тапсырған қатысушылар келесі кезеңге — ұйым жарғысы бойынша емтихан мен өңірлік үйлестірушілермен әңгімелесуге жіберіледі.

Жаңалықтар

Қостанайда КамАЗ жүргізушісі зейнеткерді қағып, мерт қылды

Leave a comment

Фото: видеодан скрин

2023 жылы 27 қазан күні Қостанайда, Садовая көшесіндегі №81 үйдің маңында, КамАЗ жүргізушісі 67 жастағы зейнеткер әйелді қағып, оқиға орнында көз жұмды. Оқиға туралы Qazaq Today ақпарат порталы «Наша Газета» порталына сілтеме жасап хабарлайды.

Қостанай облыстық полиция департаментінің мәліметінше, жол-көлік оқиғасы бойынша қылмыстық іс қозғалды.

«КамАЗ жүргізушісі қауіпсіздікке көз жеткізбей, кері бағытта қозғалған кезде 67 жастағы әйелді қағып кеткен. Алған жарақаттарының салдарынан зейнеткер әйел оқиға орнында мерт болды», – делінеді хабарламада.

Полицияның айтуынша, сотқа дейінгі тергеу аясында қажетті сараптамалар тағайындалды, оқиғаның барлық мән-жайы зерттелуде.

 

Жаңалықтар

«40 жылдық ағаштарды кесіп, қаланы тып-типыл етті»: Қостанайда тұрғындар әкімдікті аяусыз сынады

Leave a comment
Фото: видеодан скрин

Қостанайда көпқабатты үйлердің ауласындағы ондаған ағаш түп-түгел кесіліп тасталды. Кадрлар әлеуметтік желіде тараған соң, қала тұрғындары ашуға булықты. Көпшілік бұл әрекетті «экологиялық вандализм» деп атап, әкімдікті «жасыл желектің жауы» деп сынға алды, деп хабарлайды Qazaq Today ақпарат порталы.

Бейнежазбада 40 жылдан астам өскен талдардың барлығы тамырымен қырқылып, балалар алаңы мен тротуарды жауып қалғаны анық көрінеді.

Пікір қалдырғандардың бірі: «Мұндай сұмдыққа жол бергендерді жұмыстан босату керек! Бұл ағаштар ауаны тазалап, адамдарды көлеңкемен қорғайтын еді. Енді тек шаң мен көлік түтінін жұтамыз», — деп жазды.

Тағы бір қолданушы: «Осылай қалаға тыныс беретін табиғатты қырып, өзімізге қарсы жұмыс істеп жатырмыз. Бұдан кейін экологияны кім қорғайды?» — деп наразылығын білдірді.

Ал кей тұрғындар бұл шешімді дұрыс деп санайды. Олардың пікірінше, ескі ағаштар қатты жел кезінде қауіпті болған және үйлерге күн түспей қалған. Алайда көпшілік кесілген ағаштардың орнында жаңа көшеттер отырғызылатынына сенбейді.

«Бұтағын емес, санасын кесіп тастады. Табиғатты сақтау – мәдениеттен басталады», — деп жазды жергілікті белсенді.

Қала әкімдігі әзірге жағдайға түсініктеме берген жоқ.

Жаңалықтар

Қостанайда алғашқы қармен бірге жол қазаны ашылды: көліктер суға батып, жүргізушілер шығынға ұшырады

Leave a comment

Фото: видеодан скрин

Қостанайда алғашқы қар жауа салысымен-ақ жол сапасы әшкереленді. Жаңадан төселген асфальт суға шыдамай қақырап, бірнеше көлік суға батып қалды, деп хабарлайды Qazaq Today ақпарат порталы.

Жүргізушілердің айтуынша, машиналардың асты бүлініп, жөндеуге қыруар қаржы кетуі мүмкін. Ақ қардың астында қалған көліктердің дөңгелектері ойыққа кіріп, орнынан қозғала алмай қалғаны анық көрінеді.

«Әкімдік миллиардтаған қаржыны қайда жұмсап жатыр? Қарапайым халықтың жолы жыл сайын қар түссе-ақ қирайды» деп ашынады тұрғындар.

Тұрғындар:

– «Бірінші қар – бірден коллапс. Машиналар батып жатыр, бағдаршам істемейді, апаттар көбейді».

– «Коттедждердің маңына қайта-қайта асфальт төсейді, ал халық жүретін негізгі жолдар шұңқыр болып жатыр».

– «Көлік бүлінді, енді шығынды кім өтейді? Әкімдік пе, әлде мердігер ме?».

Әкімдікке сын

Тұрғындардың сөзінше, жыл сайын миллиардтаған теңге бөлінгенімен, нәтиже жоқ. «Жолды сапасыз салып, қар түскенде әдейі қирайтындай етіп жасайды, келесі жылы тағы тендер алу үшін» деген пікірлер жиілеген. Алғашқы қардың өзі Қостанайдағы жолдардың шын бейнесін ашып берді. Халықтың басты сұрағы – әкімдік неге сапаны қадағаламайды және көлікке келген шығынды кім өтейді?

Жаңалықтар

Қостанайда шаруалардың 40%-ға дейінгі егістігі қар астында қалды – әкімдік диқандарды тағы ұмытты

Leave a comment

Фото: видеодан скрин

29 қыркүйекте Қостанай облысын қалың қар басты. Қардың қалыңдығы 10 сантиметрге дейін жетіп, кейбір аудандарда егіннің 30–40 пайызы жиналмай қар астында қалды, деп хабарлайды Qazaq Today ақпарат порталы. 

Ауыл шаруашылығы мамандары мұны үлкен апатпен тең деп отыр. Диқандар техникасының істен шығуы, ауа райының қолайсыздығы мен басқа да кедергілер салдарынан егін жинауды аяқтай алмай қалған. Ал қазір қар астында қалған өнімнің сапасы да, көлемі де жоғалуы әбден мүмкін.

Желіде тараған бейнежазбалар халықтың ашуын тудырды. Бірі «нашар қожайын ұйықтап қалды, енді жылайды» десе, енді бірі «техникасы сынған шығар, басқа егінді жинап үлгермеген болар» деп диқандарды жақтады. Бірақ жұрттың басым бөлігі мемлекет пен әкімдіктің әрекетсіздігіне ашулы.

«Футболшыларға миллиондап ақша табатындар егіншіні неге құтқара алмайды? Депутаттарды асырағанша, диқандарға көмектессін!» – дейді ашынған тұрғындар.

Кейбірі тіпті совет дәуірін мысалға алды: «Ол кезде мұндай бейберекет болған жоқ. Бірі тез жинап болса, техникасын көршілерге беріп көмектесетін. Қазір тәртіп те, ынтымақ та жоқ», – деп пікір қалдырды.

Әкімдік болса, бұл жолы да үнсіз. Ал шаруалардың көз алдында бір жылдық маңдай тер қардың астында шіріп барады.