Tag Archives: Қазақстан

Шоу-бизнес

Қытайда еліміздің туристік әлеуетін көрсететін Димаштың жаңа жобасы таныстырылды

Leave a comment

Фото: @kudaibergenov.dimash

Қазақстанның туристік орындарында түсірілген Димаштың жобасы Қытайда таныстырылды, деп хабарлайды Qazaq Today ақпарат порталы.

Қытайдың танымал Hunan TV телеарнасы Қазақстанның туристік локацияларында түсірілген «Voice Beyond Horizon» жаңа тележобасының промо-бейнеролигін ұсынды. Бағдарлама еліміздің туристік әлеуетін миллиондаған көрерменге көрсетеді.

Жоба Димаш Құдайбергеннің бастамасымен және Hunan Broadcasting System телеарнасымен бірлесе қолға алынды. Биылғы қыркүйек айында түсірілім тобы мен қатысушылар Қазақстанның өңірлері бойынша саяхаттап, 7436 шақырымнан астам жол жүрді. Олар 22 күн ішінде олар еліміздің бай табиғи және мәдени мұрасымен танысты.

Түсірілімге Қазақстан, Қытай, Қырғызстан, Италия, Малайзия және Сербия елдерінің өнерпаздары қатысты. Жобаның бағыты негізгі туристік орындарды қамтыды. Оның ішінде Ұлы Жібек жолының бойындағы көне Түркістан, Маңғыстау облысындағы Бозжыра мен Каспий теңізінің жағалауының бірегей көріністері, Алматы өңірінің табиғи інжу-маржандары – Қайыңды көлі, Саты туристік ауылы, Қапшағай су қоймасы, Ақмола облысының Көбейтұз көлі мен Щучинск-Бурабай курорттық аймағы іспетті табиғи ландшафттары бар.

Жобаға Kazakh Tourism ұлттық компаниясы, Туризм және спорт министрлігі, «Жолаушылар тасымалы» АҚ және өңірлердің әкімдіктері ұйымдастырушылық қолдау көрсетті.

Басты тақырып

Тоқаев Қазақстанның АҚШ-тағы елшісін ауыстырды

Leave a comment

Мемлекет басшысының Жарлығымен Мағжан Жанботаұлы Ілиясов Қазақстан Республикасының Америка Құрама Штаттарындағы Төтенше және Өкілетті Елшісі болып тағайындалды, деп хабарлайды Qazaq Today ақпарат порталы.

Ақорда жазғандай, сонымен қатар ол Қазақстан Республикасының Ұлыбритания және Солтүстік Ирландия Құрама Корольдігідегі Төтенше және Өкілетті Елшісі, Қазақстан Республикасының Исландиядағы және Ирландиядағы Төтенше және Өкілетті Елшісі қызметтерінен босатылды.

Жаңалықтар

Қазақстанның IT-қызметтерінің экспорты 881 млн долларға жетті

Leave a comment

Қазақстан Дубайда өтіп жатқан GITEX GLOBAL 2025 ірі әлемдік технологиялық көрмесіне цифрлық шешімдері мен стартаптардың басын біріктірген ұлттық павильонын ұсынды. Бастаманы ҚР сауда және интеграция министрлігі QazTrade-мен бірлесіп жүзеге асыруда. Павильонда жасанды интеллект саласындағы әзірлемелерді көрсететін 20 компания бар, деп хабарлайды Qazaq Today ақпарат порталы.

Қатысушылар арасында жасанды интеллектті қолдана инсультті анықтау үшін дәрігерлерге көмектесетін Cerebra.ai және үшін, өнеркәсіп қауіпсіздігі саласында бейне-аналитика жүйесін дамытуға бағытталған BEST vision Technologie, қазақстандық білім беру сервистерін ілгерілететін BilimApp, аэроғарыштық технологиялармен жұмыс істейтін Ghalam және ерекше қажеттіліктері бар адамдар үшін цифрлық шешімдер жасайтын Alaqan жобалары бар. Бұл компаниялардың барлығы әлемдік нарыққа шығуға ықпал ететін QazTrade «Экспорттық акселерация» бағдарламасына қатысушылар.

Қазақстандық IT-командалар БАӘ, Сауд Арабиясы және Катардан келген инвесторлармен және технологиялық компаниялармен кездесулер өткізіп жатыр. Мемлекеттік сервистер мен корпоративтік платформаларға отандық шешімдерді енгізу талқылануда.

Көрме аясында қазақстандық TrustMe компаниясы Дубайдағы Sogdians Venture Studio компаниясымен келісімге қол қойды. Олар қазір БАӘ мен Таяу Шығыс пен Солтүстік Африка (MENA) нарығындағы TrustMe ресми өкілдері болып табылады.

Сонымен қатар, Blackstone AI компаниясы Family Eight Holdings Limited (БАӘ) компаниясымен Меморандумға қол қойды. Тараптар жасанды интеллект технологияларын интеграциялау, жаңа өнімдерді бірлесіп әзірлеу және шетелдік нарыққа шығуды кеңейту саласындағы ынтымақтастық туралы уағдаласты.

 

«GITEX мемлекеттік делегациялар мен технологиялық корпорацияларды қоса алғанда, 170-тен астам елдің қатысушыларын біріктіреді. Көрмеге қатысу қазақстандық IT-компанияларды халықаралық нарықтарға ілгерілету үшін стратегиялық қадам болып отыр. Қазақстан шикізатты ғана емес, зияткерлік өнімдерді де экспорттайтын ел ретіндегі орнын нығайтуда. 2024 жылы Қазақстанның IT-қызметтерінің экспорты 20,3% — ға ұлғайып, 881 млн долларға жетті», – деп атап өтті Qaztrade басқарушы директоры Айнұр Әмірбекова.

 

Қазақстанның GITEX-ке қатысуы мемлекет Басшысының 2025 жылғы Жолдауында белгіленген басымдықтарды көрсетеді, онда ол «жасанды интеллект пен цифрлық технологиялар елдің экономикалық өсуі мен жаһандық бәсекеге қабілеттілігінің жаңа драйвері болуға тиіс» деп атап өтті.

Жаңалықтар

Әйгілі Мұстафа Өзтүріктің қызы жантебірентерлік видео жариялады (ВИДЕО)

Leave a comment

Коллаж: Sn.kz

Қазақ халқының маңдайына біткен жұлдызы Мұстафа Өзтүріктің қызы Неслихан Өзтүрік елге келіп, көпшіліктің жүрегін елжіретті. Журналист Айнұр Омар даңқты спортшы Мұстафа Өзтүріктің қызының туған жер туралы жантебірентерлік видеосымен бөлісті, деп хабарлайды Qazaq Today ақпарат порталы.

«Дүние тұрғанша тұр, Отаным!

Неслихан Өзтүріктің қазақ жеріндегі сапары сондай әсерлі. Әрі қуанып, әрі толқып жүр. Абай елінде бір музей қызметкері “30 жыл бұрын мен әкеңізге де осы жерді таныстырғам” деп еді, Неслихан әлгі ағаны бас салып құшақтап жатыр. Әкең кетсе де, әкеңнің көзін көрген кетпесін деген осы шығар. Қазақшасы да сондай тәтті, жұмсақ. Тыңдай бергің келеді», — деп жазды ол.

 

Жаңалықтар

Қазақстан қайырымдылықта жомарт елдердің қатарына енді

Leave a comment

Фото: Pixabay 

Қазақстан биыл Charities Aid Foundation (CAF) ұйымының World Giving Report 2025 рейтингінде 30-орынға тұрақтады.

Зерттеу қорытындысына сәйкес, қазақстандықтар табысының орта есеппен 1,2 пайызын қайырымдылыққа жұмсайды, деп жазады Qazaq Today ақпарат порталы.

Бұл көрсеткіш АҚШ, Ұлыбритания және Германия сияқты дамыған елдерден жоғары.

Рейтинг көшін Нигерия, Египет, Гана, Уганда және Қытай елдері бастады. Сарапшылардың айтуынша, табысы төмен мемлекеттерде жомарттық деңгейі әдетте жоғарырақ болады.

CAF есебі бойынша, әлем халқының 64 пайызы белгілі бір түрде қайырымдылыққа қатысады – ақша аудару, еріктілік не діни ұйымдарды қолдау арқылы.