Кентау ЖЭО-да барлық төрт қазандық сөндірілді, деп хабарлады Halyq Uni тілшісі. Энергетика министрлігі баспасөз қызметінің мәліметінше, кеше сағат 20:16-да электр беру желілері ажыратылған кезде ЖЭО-дағы барлық төрт қазандықтың жұмысы тоқтап қалды. Қалыпты режим 20:34-те қалпына келтірілді. Сондай-ақ ведомство ЖЭО-да қазандықтарды жөндеу жұмыстарының аяқталғанын мәлімдеді.
«№5, 6, 7, 12 қазандықтарды жөндеу аяқталды. Ал №8, 11 қазандықтар 58% жөнделді. Жоспар бойынша 20 қарашада аяқталуға тиіс. Іс жүзінде 20 желтоқсанда толық аяқталады деп күтіліп отыр. №9, 10 қазандықтар 50% жөнделді. Жоспар бойынша ол 30 қарашада аяқталуға тиіс еді. Іс жүзінде толық аяқтау 2024 жылдың 30 наурызында болады деп күтіледі. Жылу желісі кестесі 70/45, факті – 68/440С», – делінген хабарламада.
