Tag Archives: Әлем чемпионаты

Спорт

Ризабек Айтмұхан әлем чемпионатында қола жүлде жеңіп алды

Leave a comment

Фото:Unitedworldwrestling

Сербияның Нови-Сад қаласында 23 жасқа дейінгі жастар арасындағы әлем чемпионатында Ризабек Айтмұхан қола жүлде жеңіп алды, деп хабарлайды Qazaq Today ақпарат порталы.

Отандасымыз 97 келі салмақтың қола жүлде үшін белдесуінде Иран елінің өкілі Аболфазил Бабалоны 7:1 есебімен жеңді. Ол жарыс жолында іріктеу кезеңінде испандық Аймар Егиноаны 10:0 есебімен, айқын басымдықпен ұтты. Ал 1/4 финалда Гарроуз Куекабакиланы тізе бүктірді. Алайда Ризабек жартылай финалда жапондық Араш Ёшидаға есе жіберді. Айта кетейік, Ризабектің бұл жүлдесі еліміздің еркін күрес балуандарының салған жалғыз жүлдесі.

Естеріңізге салсақ, Ризабек Айтмұхан 3 жас санаты бойынша 3 дүркін әлем чемпионы. Азия чемпионатының үш мәрте күміс жүлдег иегері.

Спорт

Еркін күрестен әлем чемпионатын Қазақстан құрамасы екі медальмен аяқтады

Leave a comment

Фото: ҰОК

Күрес түрлерінен Хорватияның Загреб қаласында өтіп жатқан әлем чемпионаты аясында еркін күрес жарыстары аяқталды, деп хабарлайды Qazaq Today ақпарат порталы. 

Қазақстандық балуандар финалға шыға алмады. Нұрқожа Қайпанов (70 келіге дейін) алтынға бір қадам жетпей қалды.

Ол жартылай финалда моңғолиялық Тулга Тумур Очирға есе жіберді. Алайда Нұрқожа үшінші орын үшін өткен белдесуде молдовалық Василий Дьяконды жеңіп, әлем чемпионатының қола жүлдесіне қол жеткізді.

Тағы бір балуанымыз Асылжан Есенгелді де (61 келіге дейін) үшінші орынды қанағат тұтты. Отандасымыз қола жүлде үшін өткен кездесуде америкалық Джексон Форресті қапы қалдырды.

Осылайша, Қазақстан құрамасы әлем чемпионатын екі қола медальмен аяқтады. Ал Камиль Қуруглиев (92 келіге дейін) бесінші орынға тұрақтады.

Басты тақырып

Алтын жауған түн! Айбек Оралбай бокстан әлем чемпионы атанды

Leave a comment
Фото: ҚБФ

Англияның Ливерпуль қаласында World Boxing аясында өтіп жатқан әлем чемпионатында Айбек Оралбай (90 келі) алтын медаль алды, деп хабарлайды Qazaq Today ақпарат порталы. 

Отандасымыз финалда өзбекстандық Джахонгир Зокировпен қолғап түйістірді. Бірінші және екінші раундта Айбек қарсыласына есе жіберсе, шешуші раундта қарсыласын қапы қалдырды.

Осылайша Айбек ел құрамасына жетінші алтын медальды салды.

Басты тақырып, Жаңалықтар

Қазақстандық боксшы қыздар әлем чемпионы атанды

Leave a comment
Фото: Сали Сабиров, Қазақстан ҰОК баспасөз қызметі

Қазақстандық боксшы қыздар – Аида Әбікеева мен Наталья Богданова әлем чемпионы атанды, деп хабарлайды Qazaq Today ақпарат порталы. 

Аида Әбікеева 65 келіге дейінгі салмақтың ақтық жекпе-жегінде өзбекстандық Навбахор Хамидованы жеңді.

Алғашқы екі раунд өзбек қызының пайдасына аяқталды. Дегенмен Аида үшінші раундта жоғары деңгейдегі бокс үлгісін көрсетіп, жеңісті суырып алды. Нәтижесінде екі дүркін әлем чемпионы атанды.

Ал Наталья Богданова 70 келіге дейінгі салмақта қарсылас шақ келтірмеді.

Отандасымыз ақтық сында Лекеиша Перголитимен Аустралия) өзара мықтыны анықтады. Нәтижесінде Наталья Богданова еш қиындықсыз қарсыласынан басым түсіп, жеңімпаз атанды.

Айта кетейік, бұған дейін Алуа Балқыбекова (51 келіге дейін), Санжар Тәшкенбай (50 келіге дейін), Махмұд Сабырхан (55 келіге дейін) және Төрехан Сабырхан (70 келіге дейін) алтын медальға ие болған еді.

Спорт

Әлем чемпионаты: Бүгін 2 қазақстандық боксшы сынға түседі

Leave a comment

Фото: СДД

Дүбірді додада ел құрамасынан Карина Ибрагимова (57 келі) грекиялық Панагита Кузилумен қолғап түйістіреді, деп хабарлайды Qazaq Today ақпарат порталы.

Карина 2023 жылы әлем чемпионатында күміс, 2018, 2022 жылдары қола жүлдегер атанса, 2022 жылы Азия чемпионы болды.

Сондай-ақ ел құрамасынан Аида Әбікеева (65 келі) венгриялық Анна Луца Хаморимен қолғап түйістіреді.

Ол бұдан бұрын Сербияның Ниш қаласында әлем чемпионы атағын жеңіп алған еді.

Еліміздің әйелдер құрамасынан Элина Базарова (54 келі) алғашқы жекпе-жегінде өзбекстандық Нигина Уктамоваға есе жіберіп, жарыс жолынан шығып қалды.