Германияда 5 шілдеде футболдан Еуропа чемпионатының ширек финалдық матчтары басталады, деп хабарлайды Qazaq.today.
Евро-2024 ширек финалының алғашқы ойынында турнир иелері Испания құрамасымен кездеседі.
Евро-2024 1/4 финалының матчтар кестесі:
- 5 шілде, 21:00: Испания — Германия (трансляция QazSport арнасында).
- 5 шілде, 23:55: Португалия — Франция (трансляция QazSport және Qazaqstan арналарында).
- 6 шілде, 21:00: Англия — Швейцария (трансляция QazSport арнасында).
- 6 шілде, 23:55: Нидерланды — Түркия (трансляция QazSport және Qazaqstan арналарында).
Айта кету керек, жартылай финал жолдамасы үшін жұлдыздар – Португалия құрамасының Криштиану Роналду мен Франция құрамасының Килиан Мбаппе – өзара тартысады.
Барлық плей-офф ойындары QazSport және Qazaqstan телеарналарында тікелей эфирде көрсетіледі. Сонымен қатар, телеарналардың сайттарында да трансляцияларды көруге болады.
1/8 финалдың басты сенсациясы
Еуропаның қазіргі чемпиондары – Италия құрамасының турнирден шығып қалуы болды. Швейцария құрамасы ширек финалға жолдама алды.
Сенсация Англия құрамасының матчында да орын алуы мүмкін еді, бірақ «Реал» жартылай қорғаушысы Джуд Беллингем 95-минутта Словакияға қарсы ойында командасын құтқарып қалды.
Португалия құрамасының басты жұлдызы Криштиану Роналду Словенияға қарсы ойында пенальтиді голға айналдыра алмады. Португалдықтарды Диогу Кошта құтқарып қалды: ол пенальти сериясында үш соққыны қайтарды.
Түркия құрамасы Еуропа чемпионатының плей-офф тарихындағы ең жылдам голды соғып, Австрия құрамасын турнирден шығарды.
