Фото: Pixabay
Ақмола облысында Есіл өзенінен ер адамның денесі табылды, деп хабарлайды Qazaq Today ақпарат агенттігі.
Сәуірдің 21-де сағат 16:30 шамасында Целиноград аудандық полиция бөліміне Есіл өзені бойындағы көпірдің астынан ер адамның денесі табылғаны туралы хабарлама келген, деп жазады El.kz.
Полиция департаментінің хабарлауынша, жедел-іздестіру іс-шаралары барысында полиция қызметкерлері қайтыс болған адамның Жаңаесіл ауылының 52 жастағы тұрғыны екенін анықтады.
Сонымен қатар, мәйітте пышақ жарақаттары бар екені белгілі болды. Адам өліміне күдікті ретінде 49 жастағы әйел ұсталып, уақытша ұстау оқшаулағышына қамалды.
Қазіргі уақытта сот-медициналық сараптама тағайындалды. Тергеу шаралары жүріп жатыр.
