Олимпиада чемпионы әрі күміс және қола жүлдегері, қазақстандық жеңіл атлет Ольга Рыпакова кәсіби мансабын ресми түрде аяқтады, деп хабарлайды Qazaq.today ҚазАқпарат-қа сілтеме жасап.
Қазақстан жеңіл атлетика федерациясынан мәлім еткеніндей, атақты атлет бұл туралы Астанада жеңіл атлетикадан өткен жабық кешендегі Х Азия чемпионатында хабарлады.
«Еліме ризамын! Президент пен спорт жетекшілерінен бастап менің ең жас жанкүйерлеріме дейін бір ғана, бірақ өте маңызды нәрсе – маған сенімдері үшін алғыс айтамын. Мені тұлға ретінде, кәсіби спортшы ретінде танытуға мүмкіндік берген тағдырға және Құдайға алғыс айтамын», деді О.Рыпакова.
Отандық спорттың дамуына үлкен үлес қосқаны үшін ҚР Премьер-Министрі спортшыға алғысхат жолдады.
Салтанат соңында спортшы жанкүйерлер алдында құрмет шеңберін жүгіріп өтті.
Еске сала кетейік, бұдан бұрын жеңіл атлетикадан Азия чемпионатында Қазақстан құрамасының эстафетадан чемпион атанды. Сондай-ақ қазақстандық жеңіл атлеттер бесінші алтын медаль алды. Қазақстан қоржынына 6-алтын медаль түсті.
Qazaq.today
