Танымал әнші Төреғали Төреәлі Париждегі Олимпиада ойындарының чемпионы Елдос Сметовтың үйінде қонақ болып, досынан ерекше сыйлық алды. Әнші болашақта чемпиондардың әкесі болуды армандайтынын бөлісті, деп хабарлайды Qazaq.today.
Елдос Сметов Төреғалиді өз үйіне шақырып, оған ерекше сыйлық – өзінің жаттығу киімдерін табыстады. Әнші осы сәттің видеосын Instagram парақшасында жариялады.
«Алла саған жар болсын. Біздің өзара қолдауымыз ешқашан әлсіремесін. Төреғали маған Олимпиадада жеңіске жетуді жеке тапсырған. Мен сенің ұлдарыңа өзім киіп жүрген жаттығу киімдерімді сыйлағым келеді. Біз – ырымшыл халықпыз», – деді Сметов.
Төреғали Төреәлі досы-спортшысына алғысын білдіріп, ұлдарының да болашақта чемпион болатынына үміт артты.
«Елдос менің ұлдарыма жаттығу киімдерін сыйлады. Үмітім, чемпиондардың әкесі боламын. Сіздер де «аминь» деп айтыңыздар», – деп жазды әнші.
Айта кетейік, Төреғали Төреәлі Елдос Сметовпен достығы туралы айтқан болатын
View this post on Instagram
