«Караван» газеті 1 қыркүйектен бастап баспа нұсқасында шығуын тоқтатады. Газеттің сайты бұрынғыдай жұмысын жалғастыра бермек. Бұл туралы Forbes журналы жазған, – деп хабарлайды qazaq.today сайты Orda.kz сайтына сілтеме жасап.
Газеттің бас редакторы Игорь Шахнович журналдың баспа нұсқасының тоқтатылғанын растады.
– Газет рентабельді емес. Сайт қандай режимде жұмыс істесе, сол режимде жұмыс істейтін болады. Біз оны дамытуымыз мүмкін. Бірақ менсіз, мен кетемін. Сайтты Леонид Юрьев басқарды, ол [бас редактор] болып қала береді, – деді Шахнович.
«Караван» — 1991 жылы журналист және кәсіпкер Борис Гиллер ашқан Қазақстандағы алғашқы апталық коммерциялық газет. Қазіргі уақытта құрылтайшысы – жеке Нұрсұлтан Назарбаев қоры құрған «Kazakhstan Today» агенттігі» ЖШС. Қордың директоры Дариға Назарбаева.
