Тендер үшін отбасы мүшелерін түгел бауыздаған: СҚО-да атышулы істің мән-жайы жарияланды
СҚО-ның Жұмысшы ауылында 2023 жылдың желтоқсанында бүтін бір отбасы мүшелері – ерлі-зайыпты мен олардың 17 жастағы ұлын бауыздап өлтірген күдіктілер ұсталды, деп хабарлайды Qazaq.today агенттігі Social Media-ға сілтеме жасап.
Солтүстік Қазақстан облысының қылмыстық істер жөніндегі мамандандырылған ауданаралық сотында отбасын қатыгездікпен өлтіру ісі бойынша тергеу жалғасуда.
Бұл отбасының іскерлік жерлеу агенттігі болған. Белгісіз адамдар марқұм П.-ның үйіне басып кіріп, оны бауыздаған. Ерлі-зайыптылар мен олардың ұлы байланысқа шықпаған соң, туыстары алаңдап, олардың үйіне келеді. Сөйтіп, жантүршігерлік қылмыс жайлы полицияға хабарлайды. Отбасының жалғыз мүшесі – қызы ғана тірі қалған, өйткені, қылмыс болған уақытта ол Ресейге туыстарының үйіне кеткен.
Полиция күдіктілерді бірден қолға түсірді. Олар — жеке кәсіпкер ретінде жерлеу қызметтерін көрсететін 37 жастағы Е. және оның қызметкері — 25 жастағы О., үшінші күдікті — алдын ала сөз байласу арқылы адамдар тобы жасаған екі немесе одан да көп адамды өлтіруге түрткі болды деп айыпталған 42 жастағы С. (Жерлеу қызметін көрсететін Петропавл ЖШС-де директордың орынбасары).
Олар жерлеу бизнесіндегі бәсекелестікте озу үшін саналы түрде бұл қылмысқа барған.
Белгілі болғаны, бауыздалған ерлі-зайыптылардың иелігіндегі ұйым конкурстық тендерлердің басым бөлігінде жеңген. Яғни, мәйіттерді Петропавлдың медициналық мекемелерінен, сондай-ақ құқық қорғау органдарының өтінімдері бойынша тасымалдауға байланысты қызмет көрсетуге арналған конкурста таңдалған.
2023 жылдың 27 желтоқсанында Е.және О. марқұм П.-ның үйіне келіп, алдымен 17 жастағы ұлын өлтірген. Тендерде жеңген құжаттарып жойып, олар үй иелерін күткен. Үйден 2 млн теңгені ұрлаған. Кешкі сағат алтылар шамасында үйге кіріп келген П.-ны, артынан оның әйелін ауыр металл затпен ұрып өлтірген.
