Coca-Cola Ресейден кетеді - БАҚ

Coca-Cola Hellenic Bottling Company (HBC) Ресейде Coca-Cola Company брендтерімен сусындарды өндіру мен сатуды тоқтатады. Бұл туралы REUTERS өндірушінің ресми мәлімдемесіне сілтеме жасап хабарлайды.

Қазіргі уақытта компания қоймалардағы сусындардың қорын сатуда.

«Қорлар таусылғаннан кейін, Coca-Cola HBC Ресейдегі Coca-Cola немесе The Coca-Cola компаниясының басқа брендтерін бұдан былай өндірмейді және сатпайды», – делінген хабарламада.

Агенттіктің ақпаратына сәйкес, мамыр айындағы мәлімдемесінде компания 8 наурыздың өзінде концентратқа тапсырыс беру тоқтатылғанын хабарлаған болатын. Өндіруші жергілікті ресейлік брендтерге назар аударатынын айтты.

РИА Новости Ресей нарығында компанияның Coca-Cola, Sprite, Fanta, Schweppes, Powerade, Bonaqua, Fuzetea, Adez, Pulpy, Innocent, Rich, My Family және Dobry сусындарын шығаратынын жазған болатын.