Ішінде жолаушылары бар Қазақстанның автобусы Ресейдің Челябі облысында апатқа ұшырады. Ауа райының қолайсыздығынан автобус жыраға аударылып кеткен, деп хабарлайды ТАСС-қа сілтеме жасаған Qazaq.today ақпараттық агенттігі. Қазақстаннан Екатеринбургке бет алған автобус Челябі облысында қар жауып тұрған кезде жыраға құлап, аударылып қалған.
Алдын ала ақпарат бойынша 13 адам жапа шеккен. Олар ауруханаға жеткізілді. Бұл туралы Ресей ІІМ хабарлаған. Қазақстанның Сыртқы істер министрлігі бұл ақпаратты тексеріп жатыр.
