Алдағы үш жылда ел көлемінде екі миллиард ағаш отырғызылады. Алайда елдегі тұқымбақтар ол сұранысты толық қамтамасыз ете алмай отыр, деп хабарлайды Qazaq.Today ақпараттық агенттігі.
Орман шаруашылығы және жануарлар дүниесі комитетінің мәліметінше елімізде ағаш өсірумен айналысатын тәлімбақтардың саны екі жүзден сәл ғана асады. Бүгін Халықаралық орман күні. Атаулы күнге орай БАҚ өкілдері мен орман қорғаушылар бірге көшет отырғызып, ағаш өсірудің мәселелері бойынша баспасөз жиынын өткізді.
«Ұлыстың ұлы күнімен тұспа-тұс келген мереке қарсаңында Междуреченск орман тұқымбағының аумағында қырым қарағайы мен қайың ағаштары отырғызылды. Сондай-ақ, шара барысында «Республикалық орман селекциялық-тұқым орталығының» қызметі таныстырылып, зертхана жұмыстары көрсетілді. Елдегі орман қоры мен олардың көлемін онлайн қарауға мүмкіндік беретін интерактивті карта таныстырылды. 2025 жылға дейін ел аумағында 2 миллиарды ағаш отырғызу жоспарланған», — деді ҚР ЭГТРМ Орман шаруашылығы және жануарлар дүниесі комитетінің баспасөз қызметі.
Комитеттің мәліметінше, ел көлемінде тұрақты орман тұқымбағынмен – 65, уақытша көшет өсірумен айналысатын 164 тұқымбақ қана бар. Бұл тұқымбақтардың саны сұранысты толыққанды қамтамасыз ет алмайды. Ағаш өсіретін тұқымбақтардың санын арттыру үшін биылдан бастап тағы бір жаңа жобаны іске асырмақ. Осы саламен айналысатын кәсіпкерлерге шығынның елу пайызын мемлекет өтеп бермек. Мамандардың зерттеуінше отырғызған ағаштардың 35 пайызы қурап қалады екен.
«ҚР Орман кодексінің 106-бабына сәйкес жеке орман шаруашылығы объектілерін құру үшін кәсіпкерлікті ынталандыру қарастырылған, 2022 жылы бұл іс-шараларға республикалық бюджеттен 707,6 млн.теңге қаржы бөлінеді. Жеке питомниктер мен плантацияларды құру жергілікті халық үшін жаңа жұмыс орындарын ашуға мүмкіндік береді. Мемлекет басшысының тапсырмалары аясында орман қоры аумақтарына 2 миллиард ағаш отырғызуға және қалалар мен елді мекендерді абаттандыруға 15 миллион көшет егу жоспарланған. Сонымен қатар, тез өсетін ағаштарды көбету ормандарға түсетін қысымды жеңілдетеді және оларды сақтайды» , — деді комитеттің баспасөз қызметі.
Алдағы үш жылдың ішінде келесі ағаш түрлерін отырғызу жоспарланған:
Сексеуіл – 714 млн дана
Қарағай – 638,1 млн
Қайың — шамамен 120,7 млн
Қарағаш — шамамен 120,3 млн
Шырша — 25,9 млн
Қарақат – 12,2 млн
Үйеңкі — шамамен 10,6 млн. Дана
Алма, алмұрт — 5,1 млн
Шабдалы, қара өрік, шие — 0,6 млн
Терек, теңіз шырғаны, басқа ағаш түрлері — 345 млн данадан астам
