Алматы облысының Қосөзен ауылының 38 жастағы тұрғыны жылқыны әдейі көлікпен таптаған. Жылқыға қиянат жасаған ер адам 10 күнге қамалды, – деп хабарлайды КТК арнасы.
Жылқыға қасақана жасалған қиянатқа ауыл тұрғындары өре түрегеліп, наразылық білдірді.
Осыдан 4 күн бұрын Қосөзен ауылының 38 жастағы тұрғыны жол талғамайтын көлігімен буаз биені қасақана таптаған.
Бұл әрекетін жылқының ауласына жиі кіріп, бау-бақшаны таптап кете бергесін «жүйкем тозды» деп түсіндірген.
Осы оқиғадан кейін ауыл тұрғындары жазықсыз малды өлтірген адам бостандықта жүр деп шу шығарды. Сот жылқыны таптаған тұрғынды 10 күнге қамау туралы шешім шығарды.
