«Салиқалы ұрпақ» қоры 1000 оқушыға мектепке қажет жабдықтарын алып берді. Балалар жылы және «Мектепке жол» акциясы аясында «Салиқалы ұрпақ» қоры Алматы қаласы мен облысының оқушыларына мектепке қажет жабдықтармен қамтамасыз етті.
Бүгін кәсіпкерлер Қонаев қаласындағы №4 орта мектепте оқу жылына қажеттің барлығын табыстады. Қор директоры Қасым Қасабековтың айтуынша, ұйым әр баланың тілегіне мұқият мән беріп, әрқайсысының көңілінен шығатындай заттарды сыйлауға тырысқан.
«Біздің қор 7 жыл бойы жұмыс істеп келеді. Біз әсіресе білім беру саласына және балалар үшін пайдалы бос уақытын ұйымдастыруға ерекше назар аударарып жүреміз. Мәселен, мектеп сөмкесіндекем дегенде алты айға дейін жететін 32 су бөтелкесі бар. Біз әр түрлі сыныптағы қыз бен ұл балаларға керек заттарды ерекше ықыласпен жинап, тапсырдық», — деді ол.
Өз кезегінде Алматы облысы білім басқармасының бөлім басшысы Айнагүл Үшкемпірова жыл сайын «Мектепке жол» республикалық акциясы аясында 1-30 қыркүйек аралығында балаларды мектепке дайындауға көмек көрсетілетінін атап өтті. Биыл өңірде 30 мыңнан астам оқушыға көмек көрсетілген.
