Қонаев қаласындағы спорт мектебінде кеңейтілген кеңес өтіп, жаңа басшылар тағайындалды. Облыстық дене шынықтыру және спорт басқармасы федерациялардың алдағы жұмыс жоспарын бекітті, деп хабарлайды Qazaq.today ақпараттық агенттігі. Жиында Алматы облысының бокс, грек-рим, еркін және әйелдер күресі федерацияларының басшылары, спорт мектептеріндегі директорлар кеңесінің төрағасы, аға жаттықтырушылар тағайындалды.
Алматы облыстық дене шынықтыру және спорт басқармасының басшысы Нұрбақыт Теңізбаев елімізде олимпиадалық спорт түрлерін дамыту, қазақ спортын жаңғырту, жарыстарда қоржынға жүлделі орындар салу ортақ міндет екеніне тоқтады. Сондай-ақ, Алматы облысының екіге бөлінуіне байланысты облыстық бокс, грек-рим, еркін және әйелдер күресі федерациясының президенттерін сайлау күн тәртібіндегі басты мәселе екенін айтты.
Басқарма басшысы Нұрбақыт Теңізбаев Дәурен Төлегенді Алматы облыстық бокс федерациясының президенті лауазымына, Дамир Күзембаевты грек-рим, еркін және әйелдер күресі федерациясының президенті лауазымына тағайындады.Ол болашақта қазақ балаларын әлемдік аренаға шығару — қажырлы еңбектің бұл еңбектің жемісі болары сөзсіз екенін баса айтты. Алматы облыстық дене шынықтыру және спорт мектептері директорлар кеңесінің төрағасы қызметіне Дархан Әшіров бекітілді.
Кеңесте сөз алған федерациялардың жаңа президенттері сенімді ақтап, аймақтағы спортты дамытуға күш салу аянбай еңбек ететіндерін жеткізді.
