Қырғызстанның Талас ауданындағы мал базарында тұрғындар ұрлық жасаған ер адамды өздері жазаламақ болды. Бұл туралы 24.kg жазды деп хабарлайды Qazaq.today.
Оқиғаның видеосы әлеуметтік желілерде жарияланды.
Жиналған көпшілік «ұрыны» бағанға байлап, ұра бастаған. Оқиғаға полиция қызметкерлері араласып, жұртты таратты. Талас облысының ІІБ болған оқиғаны растады.
«Жергілікті тұрғындар ер адамды бағанға байлап қойған. Тексеру барысында Қара-Буурин ауданының тұрғынынан 60 мың сом ұрланғаны белгілі болды. Сол ауданның басқа бір тұрғынының да 6 мың сомы ұрланған. Күдікті полицияға жеткізілді. Ол Ыстықкөл облысы Григорьевка ауылының 1989 жылы туған А.Э. деген тұрғыны болып шықты. Оның қалтасынан 35 мың сом табылды. Ұсталған адамды дәрігерлер тексерді, оның жағдайы жақсы. Тергеу жалғасуда», — деп хабарлады ведомстводан.
Qazaq.today
